مەنينگوكوكك ينفەكسياسىن جۇقتىرىپ بەس جاستاعى ۇلى مەن 19 جاستاعى بولاشاق كەلىنىنەن ايىرىلعان ايدا احمەتوۆانىڭ ءىنىسى اۋىرىپ جاتىر، دەپ جازادى تengrinews.kz. 

دياگنوزدىڭ راستالعانى تۋرالى تاياۋدا بەلگىلى بولعان. 5 جاسار ديماشتان مەنينگوكوكك ينفەكسياسى تابىلعاننان كەيىن احمەتوۆتەر وتاسىنىڭ مۇشەلەرىنەن اناليز الىنعان. بيوحيميالىق تەكسەرۋگە بەس كۇن كەتتى. 

كەشە اناليزدەردىڭ قورىتىندىسىن الدىق. بارلىعىمىزدىڭ ءاناليزىمىز تازا، ال مەنىڭ ءىنىمنىڭ، ايجاننىڭ جىگىتىندە دياگنوز راستالدى، ول مەنينگوكوكك ينفەكسياسىن جۇقتىرعان. ءقازىر ول الماتىداعى اۋرۋحانادا جاتىر. جاعدايى دۇرىس، جرۆي سەكىلدى، تاماعى قىزىل. ءىنىم 2001 جىلعى"، - دەدى ايدا احمەتوۆا. 

جىگىتتىڭ اۋرۋحاناعا تۇسكەنى تۋرالى الماتى قالاسى دەنساۋلىق ساقتاۋ باسقارماسى راستادى. 

"2001 جىلعى ناۋقاس اۋرۋحاناعا ءتۇستى. ونىڭ مەنينگوكوكك نازوفارينگيت جۇقتىرۋ ءقاۋپى بار. ءبىز ءۇشىن ەڭ ءقاۋىپتىسى مەنينگوكوكسەميا، الايدا جىگىتتىڭ دياگنوزى ونداي ەمەس. ول ەرەسەكتەرگە ارنالعان ينفەكسيالىق اۋرۋحانادا جاتىر"، - دەدى الماتى قالاسى دەنساۋلىق ساقتاۋ باسقارماسىنىڭ باس مامانى ەلۆيرا يبراگيموۆا. 

سونىمەن قاتار، مەنينگوكوككتان قايتىس بولعان 27 جاستاعى ءورت ءسوندىرۋشى ولجاس سۇلەيمەنوۆتىڭ باۋىرى دا ءوز جاعدايىن ءبولىستى. "ءقازىر اۋرۋحانادامىن. ءوزىم كەلدىم. مەنىڭ دەنە قىزۋىم كوتەرىلدى"، - دەدى ەربولات سۇلەيمەنوۆ. 

5 جاستاعى ديماش احمەتوۆ ماۋسىمنىڭ 1-نەن 2-نە قاراعان ءتۇنى قايتىس بولعان ەدى. ولار 3 ماۋسىمدا تاڭعى 09:00-دە بالامەن بايلانىستا بولعان بولاشاق كەلىندەرىنىڭ قايتىس بولعانىن ەستىگەن. 

الماتىلىق 27 جاستاعى ءورت ءسوندىرۋشى ولجاس سۇلەيمەنوۆ 3 ماۋسىمدا قايتىس بولدى.