رەسەي پرەزيدەنتى ۆلاديمير پۋتين تاياۋدا اۆسترياعا بارعان ساپارىندا وسى ەل كانسلەرى سەباستيان كۋرسكە بيىل جازدا ۆەنادا اقش پرەزيدەنتى دونالد ترامپپەن كەزدەسۋىن ۇيىمداستىرۋعا جاردەمدەسۋىن سۇراعان. بۇل تۋرالى امەريكالىق Wall Street Journal (WSJ) گازەتى ەۋروپالىق ديپلوماتيا ارنالارىنداعى دەرەككوزىنە سىلتەمە جاساپ حابارلادى. باسىلىم دەرەگىنشە، كۋرس ءپۋتيننىڭ ءوتىنىشىن ترامپقا جەتكىزۋگە ۋادە بەرگەن.
Wall Street Journal-دىڭ جازۋىنشا، اق ۇيدەگىلەر ءقازىر ءپۋتيننىڭ ۇسىنىسىنا ويلانىپ جاتىر. اقش ۇلتتىق قاۋىپسىزدىك كەڭەسىنىڭ وكىلى رەسەيلىك اگەنتتىككە ترامپ پەن پۋتين وڭاشا كەزدەسۋ مۇمكىندىگىن بۇعان دەيىن دە تالقىلاعانىن، ءبىراق ازىرگە ۆاشينگتون بۇعان قاتىستى ەشنارسە ايتا المايتىنىن" حابارلادى.
رەسەي مەن اقش پرەزيدەنتتەرى كەزدەسۋ مۇمكىندىگىن بيىل ناۋرىزدا تەلەفونمەن سويلەسكەنىندە تالقىلاعان. ءبىراق سودان بەرى كەزدەسۋگە دايىندىق شارالارى جاسالعان ەمەس.
دونالد ترامپ پەن پۋتين اراسىندا تولىق ەكى جاقتى سامميت بولماعان. بىلتىر شىلدەدە گامبۋرگتەگى G20 ءسامميتى بارىسىندا قوس مەملەكەت باسشىلارىنىڭ كەزدەسۋى نەبارى ەكى ساعاتقا سوزىلعان.
