پرەزيدەنت زاعيپا بالييەۆانى لاۋازىمىنان بوساتتى، دەپ حابارلايدى Qamshy.kz اقپارات اگەنتتىگى اقوردانىڭ باسپا ءسوز قىزمەتىنە سىلتەمە جاساپ.

"مەملەكەت باسشىسىنىڭ وكىمىمەن زاعيپا بالييەۆا بالا قۇقىعىن قورعاۋ جونىندەگى ۋاكىل قىزمەتىنەن بوساتىلدى"، - دەلىنگەن حابارلامادا. 

زاعيپا بالييەۆا - پارلامەنت ءماجىلىسىنىڭ دەپۋتاتى. ءماجىلىستىڭ سىرتقى ىستەر، قورعانىس جانە قاۋىپسىزدىك كوميتەتىنىڭ مۇشەسى.

1958 جىلى 3 قازاندا الماتى وبلىسى كەگەن اۋدانىنىڭ جالاڭاش اۋىلىندا تۋعان.

 س.م. كيروۆ اتىنداعى قازاق مەملەكەتتىك ۋنيۆەرسيتەتى، زاڭگەر-قۇقىقتانۋشى، ت.رىسقۇلوۆ اتىنداعى قازاق ەكونوميكالىق ۋنيۆەرسيتەتىن بىتىرگەن، ەكونوميست-حالىقارالىق مامان.

 1975-1976 ج.ج. سكتۋ-دە لابورانت بولىپ جۇمىس ىستەگەن.

1981-1982 جج. – جامبىل وبلىستىق قۇرىلىس بانكىندە زاڭگەر كەڭەسشى

1982-1986 جج. – جامبىل قالالىق اتقارۋ كوميتەتىندە زاڭگەر.

1986-1992 ج.ج. - الماتى قالالىق اتقارۋ كوميتەتىنىڭ تۇرعىن ءۇيدى ەسەپكە الۋ جانە ءبولۋ باسقارماسىنىڭ ينسپەكتورى، ءبولىم مەڭگەرۋشىسى.

1992-1994 ج.ج. - الماتى قالاسى اكىمشىلىگىنىڭ باسشىسى اپپاراتىنىڭ زاڭ ءبولىمىنىڭ مەڭگەرۋشىسى.

1994-1995 ج.ج. – XIII سايلانعان قازاقستان رەسپۋبليكاسى جوعارعى كەڭەسىنىڭ دەپۋتاتى، قازاقستان رەسپۋبليكاسى جوعارعى كەڭەسىنىڭ ەكونوميكالىق رەفورما جونىندەگى كوميتەتى ءتوراعاسىنىڭ ورىنباسارى.

1995-1996 ج.ج. –قازاقستان رەسپۋبليكاسى ورتالىق سايلاۋ كوميسسياسىنىڭ حاتشىسى، ءتورايىمى.

2005-2009 ج.ج. – قازاقستان رەسپۋبليكاسىنىڭ ادىلەت ءمينيسترى.

2009-2011 ج.ج. – IV سايلانعان قازاقستان رەسپۋبليكاسى پارلامەنتى ءماجىلىسىنىڭ دەپۋتاتى، زاڭناما جانە سوت-قۇقىقتىق رەفورما كوميتەتىنىڭ مۇشەسى.

2012 جىلعى 20 قاڭتاردان باستاپ - V سايلانعان قازاقستان رەسپۋبليكاسى پارلامەنتى ءماجىلىسىنىڭ دەپۋتاتى، حالىقارالىق ىستەر، قورعانىس جانە قاۋىپسىزدىك كوميتەتىنىڭ مۇشەسى.«نۇر وتان» حالىقتىق دەموكراتيالىق پارتياسىنىڭ مۇشەسى، پارتيالىق ءتىزىم بويىنشا سايلانعان.

 «قۇرمەت»، «پاراسات»، «كۇمىس القا»، وردەندەرىمەن، «قازاقستان رەسپۋبليكاسىنىڭ تاۋەلسىزدىگىنە 10 جىل»، «قازاقستان رەسپۋبليكاسىنىڭ كونستيتۋسياسىنا 10 جىل»، «قازاقستان رەسپۋبليكاسىنىڭ تاۋەلسىزدىگىنە 20 جىل» مەرەكەلىك مەدالدارىمەن ماراپاتتالعان.