ساۋلە ايتپايەۆا ق ر پرەزيدەنتى نۇرسۇلتان نازاربايەۆتىڭ وكىمىمەن بالا قۇقىقتارىن قورعاۋ جونىندەگى ۋاكىل قىزمەتىنە تاعايىندالدى، دەپ حابارلايدى Qamshy.kz اقپارات اگەنتتىگى اقوردانىڭ باسپا ءسوز قىزمەتىنە سىلتەمە جاساپ.

ساۋلە مۇحانبەديان قىزى 1960 جىلدىڭ 22 مامىرىندا تورعاي وبلىسى جاقسى كەنتىندە دۇنيەگە كەلگەن.

1977 جىلى بۇرىنعى تورعاي وبلىسى جاقسى اۋداندىق پروكۋراتۋراسى كەڭسەسىنىڭ مەڭگەرۋشىسى،1978 جىلى جاقسى اۋداندىق كومسومول كوميتەتىنىڭ ءماشينيسى بولىپ جۇمىس ىستەگەن. 1979-1983 جىلدارى سۆەردلوۆ زاڭتانۋ ۋنيۆەرسيتەتىنىڭ «قۇقىقتانۋ» ماماندىعى بويىنشا وقۋعا ءتۇستى.

1984 جىلى اقمولا قالاسى لەنين اۋداندىق پروكۋراتۋراسىنىڭ تەرگەۋشىسى، 1985 جىلى اقمولا وبلىسى پروكۋراتۋراسىنىڭ ءىىو-داعى تەرگەۋ مەن انىقتاۋدى قاداعالاۋ جونىندەگى ءبولىمىنىڭ پروكۋرورى، 1988 جىلى اقمولا وبلىستىق پروكۋراتۋراسى كادرلار جونىندەگى پروكۋرورىنىڭ كومەكشىسى، 1992 جىلى اقمولا وبلىسى پروكۋراتۋراسىنىڭ ۇيىمداستىرۋ-تالداۋ ءبولىمىنىڭ پروكۋرورى، 1996 جىلى سەلينا كولىك پروكۋراتۋراسىنىڭ ۇيىمداستىرۋ-ينسپەكتورلىق جۇمىس جونىندەگى اعا پروكۋرورى، 1997 جىلى ق ر باس پروكۋراتۋراسىنىڭ جانىنداعى قۇقىقتىق ستاتيستيكا جانە اقپارات ورتالىعىنىڭ (قسجاو) العاشقى ەسەپكە الۋ قۇجاتتارىن، ەسەپتىلىك جانە ادىستەمە نىساندارىن ازىرلەۋ جانە ەنگىزۋ ءبولىمىنىڭ باستىعى، 1998 جىلى - ق ر باس پروكۋراتۋراسىنىڭ جانىنداعى قسجاو (د) باستىعىنىڭ ورىنباسارى - استانا قالاسىنداعى ستاتيستيكا باسقارماسىنىڭ باستىعى، 1999 جىلى قسجاو (د) باستىعىنىڭ ورىنباسارى ق ر باس پروكۋراتۋراسىنىڭ جانىنداعى قسجاو (د) ستاتيستيكانى قالىپتاستىرۋ باسقارماسىنىڭ باستىعى بولدى. 2001 جىلى ق ر باس پروكۋراتۋراسىنىڭ جانىنداعى قسجاو (د) باستىعىنىڭ ورىنباسارى، 2003 جىلى ق ر باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتى ءتوراعاسىنىڭ ورىنباسارى، 2005 كوميتەت ءتوراعاسىنىڭ ءبىرىنشى ورىنباسارى قىزمەتىن اتقاردى.

مەملەكەت باسشىسىنىڭ 2012 جىلدىڭ ساۋىرىندەگى وكىمىمەن ق ر باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ ءتورايىمى بولىپ تاعايىندالدى.

«قازاقستان رەسپۋبليكاسى پروكۋراتۋراسىنىڭ قۇرمەتتى قىزمەتكەرى»(2001) اتاعى بار،«ەرەن ەڭبەگى ءۇشىن» (2005)، «استانانىڭ 10 جىلدىعى»(2008)، «قازاقستان رەسپۋبليكاسىنىڭ تاۋەلسىزدىگىنە 20 جىل»(2011)، «قازاقستان رەسپۋبليكاسىنىڭ پروكۋراتۋراسىنا 20 جىل» (2011) مەدالدارىمەن ماراپاتتالعان.