ءجانيا اۋباكىروۆا كونسەرۆاتوريا رەكتورى قىزمەتىنەن بوساتىلدى، - دەپ حابارلايدى دەپ حابارلايدى Qamshy.kz اقپارات اگەنتتىگى اقورداعا سىلتەمە جاساپ.
"مەملەكەت باسشىسىنىڭ وكىمىمەن ءجانيا ياحيا قىزى اۋباكىروۆا قۇرمانعازى اتىنداعى قازاق ۇلتتىق كونسەرۆاتورياسىنىڭ رەكتورى قىزمەتىنەن بوساتىلدى"، - دەلىنگەن حابارلامادا.
ءجانيا اۋباكىروۆا اتالمىش وقۋ ورىنىن 1997 جىلدان بەرى باسقارىپ كەلدى.
ايتا كەتەيىك، بۇعان دەيىن قۇرمانعازى اتىنداعى قازاق ۇلتتىق كونسەرۆاتورياسىندا قوماقتى قاراجاتتىڭ قولدى بولۋىنا بايلانىستى داۋ-داماي تۋعان ەدى. "Qamshy" اقپارات اگەنتتىگىندە وسى وقيعاعا قاتىستى "كونسەرۆاتورياداعى "كونسەرت":200 ملن تەڭگەنى ۇرلاعان كىم؟" تاقىرىبىندا ماقالا جاريالاندى. اتالمىش وقۋ ورنىنىڭ قارجى جانە ەكونوميكالىق ماسەلەلەر جونىندەگى پرورەكتورى بوتاكوز كوپبايەۆا ءجانيا اۋباكىروۆانى ءىرى كولەمدەگى قارجىنىڭ جوعالۋىنا قاتىسى بار دەپ ايىپتاعان بولاتىن.
