11 ماۋسىمدا قازاقستان رەسپۋبليكاسىنىڭ ۇكىمەتى مەن ومان سۇلتاندىعىنىڭ ۇكىمەتى اراسىنداعى ديپلوماتيالىق، ارنايى جانە قىزمەتتىك پاسپورتتار يەلەرىن ۆيزالىق تالاپتاردان ءوزارا بوساتۋ تۋرالى كەلىسىمگە قول قويىلدى، دەپ حابارلايدى 24.kz.

قۇجاتقا قازاقستاننىڭ ومانداعى ەلشىسى ەرجان مۇقاش پەن ومان سىرتقى ىستەر ءمينيسترىنىڭ ورىنباسارى مۋحامەد بين يۋسۋف بين قاسىم از-زارافي قول قويدى.

ۇكىمەتارالىق كەلىسىمگە قول قويىلۋى ەكى ەل اراسىنداعى شارتتىق-قۇقىقتىق بازانىڭ جۇيەلى كەڭەيتۋىنە ماڭىزدى قادامى بولدى.

ايتا كەتەر جايت، وتكەن جىلى ومان ۇكىمەتىنىڭ شەشىمى بويىنشا قازاقستان ازاماتتارى اقش، كانادا، اۆستراليا، ۇلىبريتانيا، سونداي-اق شەنگەن كەلىسىمى ەلدەرىنىڭ ۆيزالارى نەمەسە وسى ەلدەردە تۇراقتى تۇرۋعا رۇقساتتارى بار بولعان جاعدايدا، ۆەب-سايت ارقىلى تۋريستىك ۆيزالاردى (ە-ۆيزا) جەرگىلىكتى دەمەۋشىسىز الا الاتىن 25 ەلدىڭ تىزىمىنە ەنگىزىلدى. بۇل جاعداي قازاقستان مەن ومان اراسىندا ەكىجاقتى تۋريزم سالاسىنداعى قارىم-قاتىناستاردى نىعايتۋعا مۇمكىندىك بەرەتىنى ءسوزسىز.

ءوز كەزەگىندە ومان سۇلتاندىعى شاقىرۋسىز جەڭىلدەتىلگەن ءتارتىپ بويىنشا قىسقا مەرزىمدى قازاقستان ۆيزاسى بەرىلەتىن 48 مەملەكەتتىڭ قاتارىنا كىرەدى.

تۋريزم سالاسىنداعى ەكىجاقتى قارىم-قاتىناستاردى نىعايتۋ ماقساتىندا قازاقستاننىڭ ومانداعى ەلشىلىگىنىڭ قولداۋىمەن ءىرى وماندىق Majan Light Travel & Tourism كومپانياسى مەن AL Baleed Resort كومپانياسى وكىلدەرىنىڭ 2017 جىلعى ساۋىردە الماتىعا ساپارى ۇيىمداستىرىلدى. وماندىق كومپانيالاردىڭ وكىلدەرى قازاقستاندىق ارىپتەستەرىمەن كەزدەسىپ، ءوزارا ءتيىمدى ىنتىماقتاستىقتىڭ بولاشاق دامۋ جولدارىن تالقىلادى.

2017 جىلعى قىركۇيەكتە قازاقستاندىق تۋريستىك كومپانيالارىنىڭ وكىلدەرى وماندا قارىمتا ساپارمەن بولىپ، ەكى ەلىدىڭ تۋريستىك كومپانيالار اراسىندا تىعىز بايلانىس ورناتىلدى.