قازاقستاندا ۇلتتىق دومبىرا كۇنى پايدا بولدى. پرەزيدەنت قاۋلىسىنا سايكەس ءار شىلدەنىڭ العاشقى جەكسەنبىسى دومبىرا كۇنى بولىپ بەكىتىلدى. بيىل ول كۇن 1 شىلدەگە ءتۇسىپ تۇر. نۇرسۇلتان نازاربايەۆتىڭ قاۋلىسى اقوردانىڭ ءباپاسوز قىزمەتىندە جاريالاندى.
ۇلتتىق دومبىرا كۇنى تۋرالى
قوعامدى ۇلتتىق مادەنيەت پەن بىرەگەيلىكتى ساقتاۋ مەن قايتا جاڭعىرتۋ يدەياسىنىڭ توڭىرەگىندە ودان ءارى توپتاستىرۋ ماقساتىندا قاۋلى ەتەمىن:
1. شىلدەنىڭ ءبىرىنشى جەكسەنبىسى ۇلتتىق دومبىرا كۇنى بولىپ ايقىندالسىن.
2. قازاقستان رەسپۋبليكاسىنىڭ ۇكىمەتى وسى جارلىقتى ىسكە اسىرۋ جونىندە شارالار قابىلداسىن.
3. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن.
4. وسى جارلىق جاريالانعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ
پرەزيدەنتءى ن.نازاربايەۆ
استانا، اقوردا، 2018 جىلعى 12 ماۋسىم
№ 699
پىكىر قالدىرۋ