كەزدەسۋ بارىسىندا قايرات ءمامي نۇرسۇلتان نازاربايەۆقا كونستيتۋسيالىق رەفورمانىڭ جۇزەگە اسىرىلۋ بارىسى، سونداي-اق كونستيتۋسيالىق كەڭەس قىزمەتىنىڭ ناتيجەلەرى مەن الداعى كەزەڭگە ارنالعان جوسپارى جونىندە باياندادى، دەپ حابارلايدى Qamshy.kz اقپارات اگەنتتىگى اقورداعى سىلتەمە جاساپ.
قازاقستان پرەزيدەنتى كونستيتۋسيالىق كەڭەستىڭ اتا زاڭ ۇستەمدىگىن قامتاماسىز ەتەتىن مەملەكەتتىك ورگان ەكەنىنە توقتالىپ، ونىڭ الەۋەتىن ودان ءارى ارتتىرا ءتۇسۋ قاجەتتىگىنە نازار اۋداردى.
– پارلامەنتتىڭ، ەلىمىزدەگى مەملەكەتتىك ورگانداردىڭ قابىلداعان بۇكىل زاڭدارى مەن نورماتيۆتىك قۇقىقتىق اكتىلەرى كونستيتۋسيا ەرەجەلەرىنە جانە نورمالارىنا تولىق سايكەس كەلۋگە ءتيىس، – دەدى نۇرسۇلتان نازاربايەۆ.
سونىمەن قاتار، كونستيتۋسيالىق كەڭەس ءتوراعاسى مەملەكەت باسشىسىنا قازاقستان رەسپۋبليكاسىنىڭ كونستيتۋسيا كۇنىن مەرەكەلەۋگە دايىندىق بارىسى جونىندە مالىمدەدى.
