اتموسفەرالىق فرونتتاردىڭ وتۋىنە بايلانىستى 20 ماۋسىمدا قازاقستاننىڭ جەكەلەگەن وڭىرلەرىندە قۇبىلمالى كۇن رايى ساقتالادى. تەك رەسپۋبليكانىڭ باتىس جانە وڭتۇستىك-باتىسىندا جاۋىن-شاشىنسىز اۋا رايى بولجانادى. كەي جەرلەرىندە نايزاعاي، جاڭبىر، كۇشتى جەل، سونداي-اق داۋىل مەن بۇرشاق كۇتىلەدى، دەپ حابارلايدى Qamshy.kz اقپارات اگەنتتىگى «قازگيدرومەت» رمك-عا سىلتەمە جاساپ.

اتاپ ايتقاندا، جامبىل، وڭتۇستىك قازاقستان وبلىستارىنىڭ كەي جەرلەرىندە جەل 15-20 م/س كۇشەيىپ، داۋىل كۇتىلەدى. سولتۇستىك قازاقستان وبلىسىنىڭ كەي جەرلەرىندە جەل 15-20 م/س كۇشەيىپ، كۇندىز داۋىل بولجانادى.

جامبىل وبلىسىنىڭ كەي جەرلەرىندە بۇرشاق جاۋۋى ىقتيمال. كۇندىز قاراعاندى وبلىسىنىڭ جەكەلەگەن جەرلەرىندە بۇرشاق جاۋىپ، تۇندە جانە تاڭەرتىڭ تۇمان كۇتىلەدى. اقمولا، الماتى، پاۆلودار، شىعىس قازاقستان، كۇندىز قوستاناي وبلىستارىنىڭ كەي جەرلەرىندە جەلدىڭ ەكپىنى 15-20 م/س ارتادى.

شىعىس قازاقستان وبلىسىنىڭ كەي جەرلەرىندە بۇرشاق جاۋۋى ىقتيمال.

سونداي-اق ماڭعىستاۋ وبلىسىنىڭ باسىم بولىگىندە، اتىراۋ، اقتوبە، قىزىلوردا، وڭتۇستىك قازاقستان، جامبىل وبلىستارىنىڭ كەي جەرلەرىندە وتە جوعارى ءورت ءقاۋپى ساقتالادى.