نۇرلىبەك جەڭىسبەك قازاقستان رەسپۋبليكاسى ەنەرگەتيكا ءمينيسترىنىڭ باسپا ءسوز حاتشىسى - باسپا ءسوز قىزمەتىنىڭ باسشىسى قىزمەتىنە تاعايىندالدى، دەپ حابارلايدى Qamshy.kz اقپارات اگەنتتىگى مينيسترلىكتىڭ باسپا ءسوز قىزمەتىنە سىلتەمە جاساپ.
نۇرلىبەك جەڭىسبەك 1988 جىلى تۋعان. اباي اتىنداعى ۇلتتىق پەداگوگيكالىق ۋنيۆەرسيتەتتى (فيلولوگيا باكالاۆرى) اياقتاعان، حالىقارالىق قاتىناستار ماگيسترى (رەسەي فەدەراسياسىنىڭ پرەزيدەنتى جانىنداعى رەسەي مەملەكەتتىك قىزمەت اكادەمياسى).
ەڭبەك جولىن 2006 جىلى «قازاقستان» تەلەارناسىندا ءتىلشى بولىپ باستاعان. ءار جىلدارى وبلىستىق جانە رەسپۋبليكالىق تەلەارنالاردا رەداكتور، تەلەجۇرگىزۋشى قىزمەتتەرىن اتقارعان. سونىمەن قاتار، 2013-2017 جىلدارى شىمكەنت قالاسى جانە وڭتۇستىك قازاقستان وبلىسى اكىمدەرىنىڭ باسپا ءسوز حاتشىسى، كەڭەسشىسى لاۋازىمدارىن اتقارعان. سونداي-اق، وقو “اقپاراتتىق تالداۋ” ورتالىعىنىڭ ديرەكتور ورىنباسارى بولىپ ىستەگەن.
2017 جىلدان باستاپ، ق ر ەڭبەك جانە حالىقتى الەۋمەتتىك قورعاۋ ءمينيسترىنىڭ باسپا ءسوز حاتشىسى لاۋازىمىن اتقارىپ كەلگەن.