سۇرحانداريا وبلىسى فەرمەرلەرىنىڭ سوزدەرىنشە، ەگىندى سۋارۋ جەتكىلىكسىز بولعاندىقتان بيىلعى استىق بىتىك شىقپاعان. سالدارىنان كوپتەگەن ديقان جوسپاردى دۇرىس ورىنداي الماعان.

"بيىل قۇرعاقشىلىق سالدارىنان فەرمەرلەردىڭ 80-90 پايىزى جوسپاردى ورىنداي المادى. ءقازىر وبلىس جانە اۋدان باسشىلىعى بىزدەن قايدان تاپساڭدار دا جوسپاردى ورىنداڭدار دەپ تالاپ ەتىپ جاتىر. ولار وتكىزىلمەگەن استىقتىڭ ءاربىر كەلىسى ءۇشىن 1200 سۋم (0،15 دوللار) تولەتكىزىپ جاتىر. بيىل كوكتەمدە فەرمەرلەر جەرگىلىكتى بيلىككە سۋ جەتىسپەيدى دەپ شاعىمدانعان بولاتىن. ەندى بيلىك سۋدىڭ جەتىسپەۋشىلىگىن ەلەمەي وتىر"، –دەيدى ديقانداردىڭ ءبىرى.

ەندى ءبىر كيزيريك اۋدانىنىڭ فەرمەرى اتقارۋشى بيلىك ءۇي-ۇيدى ارالاپ، مالدارىمىزدى تارتىپ الىپ جاتىر دەيدى.

"ديقانداردىڭ ءبىرىنىڭ سيىرى مەن بۇزاۋىن الىپ كەتتى. بىزدەن مالدارىڭدى ساتىڭدار دەيدى. بيلىكتىڭ وكتەمدىگىنەن قورىققان ارىپتەسىمىزدىڭ ءبىرى ۇيىندەگى وگىزى، سيىرى مەن بۇزاۋىن 12 ميلليون سۋمعا ساتتى" – دەيدى كيزيريك اۋدانىنىڭ ديقانى.

ال جەرگىلىكتى بيلىك بولسا، مۇنداي اقپاراتتى تەرىسكە بالاپ وتىر.