كونكۋرستىق كوميسسيانىڭ شەشىمىنە سايكەس ەسەنجولوۆ نۇرجان ەرعالي ۇلى سەمەي قالاسىنىڭ ىشكى ساياسات ءبولىمىنىڭ باسشىسى لاۋازىمىنا تاعايىندالدى، دەپ حابارلايدى Qamshy.kz اقپارات اگەنتتىگى. 
نۇرجان ەسەنجولوۆ 1985 جىلى شىعىس قازاقستان وبلىسى، سەمەي قالاسىندا دۇنيەگە كەلگەن. ءبىلىمى جوعارى. 2007 جىلى سەمەي مەملەكەتتىك پەداگوگيكالىق ينستيتۋتىن «تاريح»، 2009 جىلى قازاق يننوۆاسيالىق گۋمانيتارلىق-زاڭ ۋنيۆەرسيتەتىن «قۇقىقتانۋ» ماماندىعى بويىنشا بىتىرگەن. 
«بولاشاق» ستيپەندياسىمەن ۇلىبريتانيانىڭ شەففيلد ۋنيۆەرسيتەتىندە «مەملەكەتتىك باسقارۋ جانە ساياسات» ماماندىعى بويىنشا ماگيستراتۋرانى ءتامامدادى. 
ەڭبەك جولىن 2007 جىلى م.و. اۋەزوۆ اتىنداعى ۋنيۆەرسيتەتتىڭ «تاريح» كافەدراسىنىڭ وقىتۋشىسى رەتىندە باستاعان.
مەملەكەتتىك قىزمەتىن 2009 جىلى سەمەي قالاسىنىڭ ىشكى ساياسات ءبولىمىنىڭ جەتەكشى مامانى رەتىندە باستادى. 
قالا اكىمى اپپاراتىنىڭ ۇيىمداستىرۋ-باقىلاۋ جانە كادر جۇمىستارى ءبولىمىنىڭ جەتەكشى جانە باس مامانى قىزمەتتەرىن اتقاردى، سەمەي قالاسىنىڭ مادەنيەت جانە تىلدەردى دامىتۋ ءبولىمى باسشىسىنىڭ ورىنباسارى، سونداي-اق سەمەي قالاسىنىڭ ىشكى ساياسات ءبولىمى باسشىسىنىڭ ورىنباسارى لاۋازىمىندا قىزمەت اتقاردى. 
2016-2017 جىلدارى سەمەي قالاسى اكىمىنىڭ باسپا ءسوز حاتشىسى قىزمەتىن اتقاردى. 
2017 جىلدان بۇگىنگە دەيىن شىعىس قازاقستان وبلىسى اكىمى اپپاراتىنىڭ باس ينسپەكتورى – باسپا ءسوز حاتشىسى لاۋازىمىندا قىزمەت اتقارىپ كەلدى.