لاتۆيانىڭ پارلامەنتى جوعارعى وقۋ ورىندارىنداعى زاڭعا تۇزەتۋلەر ەنگىزدى. تۇزەتۋلەرگە سايكەس، ەلدەگى جەكە مەنشىك ءبىلىم بەرۋ ورتالىقتارى، ونىڭ ىشىندە ۋنيۆەرسيتەتتەر مەن كوللەدجدەردە ساباقتار ورىس تىلىندە وقىتىلمايدى.
بۇل زاڭ 2019 جىلدىڭ 1 قاڭتارىنان باستاپ كۇشىنە ەنەدى. بۇعان دەيىن لاتۆيادا مەملەكەتتىك وقۋ ورىندارىندا ورىس تىلىندە ساباق جۇرگىزۋگە تىيىم سالىنعان بولاتىن. ەلدىڭ ءبىلىم جانە عىلىم مينيسترلىگىندەگىلەردىڭ ايتۋىنشا، مەملەكەت ەلدەگى ءبىلىم جۇيەسىنە جاۋاپ بەرەتىندىكتەن جانە مينيسترلىك ءبىلىم بەرۋ باعدارلامالارىن ءبىر جۇيەگە ءتۇسىرىپ، باعدارلامالاردى بەكىتەتىندىكتەن ءبىلىمنىڭ دە قاي تىلدە جۇرگىزىلەتىنىن دە مينيسترلىك شەشەدى.
