الماتىدا كوكجايلاۋ شاتقالىنىڭ 10 گا جەرى ىلە-الاتاۋى تابيعي پاركىنە قايتارىلادى. بۇل تۋرالى بۇگىن الماتى قالاسىنىڭ اكىمى باۋىرجان بايبەك «كوكجايلاۋ» تاۋ كۋرورتىن دامىتۋعا ارنالعان جيىندا ايتتى.

جيىن بارىسىندا «Almaty Mountain Resorts» ج ش س ديرەكتورى نايل نۋروۆتىڭ ايتۋىنشا، كۋرورت جوباسى العاشقى نۇسقاسىمەن سالىستىرعاندا ەكى ەسە وڭتايلاندىرىلعان.

قۇرىلىس الاڭى 300-دەن 30 مىڭ شارشى مەترگە دەيىن قىسقارعان. ال شاڭعى تراسسالارى 77-دەن 18 پايىزعا دەيىن ازايىپتى. بۇدان بولەك قوناق ۇيلەردىڭ سىيىمدىلىعى 6،5 مىڭ ورىننان 250-گە ازايدى. جالپى 1002 گا جەردەن 100 گا اۋماق بوساتىلعان.

ءوز كەزەگىندە اكىم كوكجايلاۋ جەرىن ىلە الاتاۋى پاركىنە قايتارۋلى تاپسىردى ءارى پروسەستىڭ شۇعىل ورىندالۋىن تالاپ ەتتى.

2015 جىلدىڭ كۇزىندە الماتى اكىمدىگى «كوكجايلاۋ» دەمالىس ورتالىعىنىڭ قۇرىلىسىن توقتاتۋ تۋرالى حابارلاعان. 2016 جىلدىڭ باسىندا جوبانىڭ بۇعاتتالعانى جايلى رەسمي مالىمدەمە شىقتى. كەيىن اتالعان جوبا قوعامدىق تالقىلاۋعا سالىندى.