رەسمي پحەنيان مەن سەۋل وكىلدەرى جۇما كۇنى قىزىل كرەست جەلىسى بويىنشا كەلىسسوز جۇرگىزدى، دەپ حابارلايدى 24.kz.
ەندى 1950-1953 جىلدارداعى كورەي سوعىسى اجىراتقان وتباسىلار تامىزدا جۇزدەسەتىن بولىپ شەشىلدى. بۇل تۋرالى رەنحاپ اگەنتتىگى حابارلادى. جالپى، بۇل ماسەلە كورەي حالىق دەموكراتيالىق رەسپۋبليكاسىنىڭ باسشىسى كيم چەن ىن مەن وڭتۇستىك كورەيا پرەزيدەنتى مۋن چجە ءيننىڭ ساۋىردەگى ءسامميتى بارىسىندا تالقىلانىپ، سەڭ قوزعالعان بولاتىن.
ايتا كەتەيىك، ەكى ەل اراسىنداعى سالقىن قارىم-قاتىناسقا بايلانىستى تۋىستارىنان قول ءۇزىپ قالعان ازاماتتاردى جاقىندارىمەن قايتا قاۋىشتىرۋ 1980 جىلداردىڭ باسىنان بەرى جۇرگىزىلىپ كەلەدى. مۇنداي سوڭعى كەزدەسۋ 2015 جىلدىڭ قازان ايىندا ءوتتى.
