بۇگىن تۇركيادا پرەزيدەنت جانە پارلامەنت سايلاۋى وتەدى، دەپ حابارلايدى «انادولۋ» اگەنتتىگى.
تۇركياداعى سايلاۋدا بارلىعى 56 ملن 322 مىڭ 632 سايلاۋشى داۋىس بەرەدى. سايلاۋ ۋچاسكەلەرىندە 180 065 جاشىك ورناتىلادى.
شەتەلدەگى تۇركيا ازاماتتارى 19 ماۋسىمدا داۋىس بەرىپ قويعان. تۇركيادا سايلاۋ ۋچاسكەلەرى 24 ماۋسىم كۇنى تاڭعى ساعات 08-00-دەن باستاپ اشىلادى.
داۋىس بەرۋ اياقتالعان سوڭ الدىمەن پرەزيدەنتتىككە كانديداتتار ءۇشىن بەرىلگەن داۋىستار سانالادى. شەتەلدە تىركەلگەن سايلاۋشىلار تۇركيا شەكاراسىنداعى وتكىزۋ پۋنكتىندە داۋىس بەرە الادى.
انكارا ءۇش سايلاۋ وكرۋگىنە بولىنگەن جانە ەل تۇرعىندارى 11392 سايلاۋ ۋچاسكەسىندە داۋىس بەرەدى. انكارادا سايلاۋدا قاۋىپسىزدىكتى 16 مىڭ پوليسيا قىزمەتكەرى قامتاماسىز ەتەدى. سونداي-اق قاۋىپسىزدىك شارالارىن نىعايتۋ ماقساتىندا 40 ارنايى پوليسيا تەحنيكاسى مەن 35 بروندالعان اۆتوموبيلدەر جانە تىكۇشاقتار مەن دروندار جۇمىلدىرىلعان.
