ينۆەستيسيالار جانە دامۋ ءمينيسترى جەڭىس قاسىمبەك شۋداعى پويىز اپاتى بويىنشا جۇرگىزىلىپ جاتقان تەرگەۋ جۇمىستارىنا پىكىر ءبىلدىردى، دەپ حابارلايدى Qamshy.kz اقپارات اگەنتتىگى.

 ۇكىمەت وتىرىسىنان كەيىن جۋرناليستەر پويىزدىڭ رەلستەن شىعىپ كەتۋىنىڭ نەگىزگى سەبەبىن سۇرادى.

«بۇل اپاتتىڭ باستى سەبەبى جولدىڭ ساپاسى ەكەنى بىرنەشە رەت ايتىلدى. قاراما-قارسى كەلە جاتقان پويىزبەن سوقتىعىسۋى تۋرالى نۇسقا بۇگىن جوققا شىعارىلدى. جولدىڭ ساپاسى – نەگىزگى نۇسقا. جولدىڭ جاعدايى، كۇزدە جۇرگىزىلگەن جوندەۋ جۇمىستارىنىڭ ساپاسى، كۇن سايىنعى تەكسەرىس تۋرالى ساۋالدار اپاتتىڭ نەگىزگى سەبەبى سانالادى»، - دەدى جەڭىس قاسىمبەك.

«كىنالى كىمدەر؟» - دەپ سۇرادى جۋرناليستەر مينيستەردەن.

«مەن سىزدەرگە 20 رەت ايتتىم عوي. كىمنىڭ كىنالى ەكەنىن كوميسسيا شەشەدى»، - دەپ مالىمدەدى مينيستر.

جۋرناليستەردىڭ رەلستەردىڭ اراسى كۇننىڭ ىسۋىنان اشىلىپ كەتۋى مۇمكىن دەگەن نۇسقاسىنا جەڭىس قاسىمبەك: «بۇل فيزيكا، اۋا تەمپەراتۋراسى كوتەرىلگەندە مۇنداي جاعداي بولادى. مۇنداي ولقىلىقتاردى باقىلاۋدا ۇستايتىن ارنايى قىزمەت بار»، - دەپ جاۋاپ بەردى.