الماتى قالاسى تىلدەردى دامىتۋ باسقارماسى 2018 جىلى 21 ماۋسىم كۇنى الماتى قالاسى، الاتاۋ اۋدانى اكىمى اپپاراتى عيماراتىندا «رۋحاني جاڭعىرۋ» باعدارلاماسى اياسىندا مەملەكەتتىك قىزمەتشىلەر كۇنىنە وراي مەملەكەتتىك باسقارۋ ورگاندارى مەن مەكەمەلەرىندە جۇمىس ىستەيتىن ماماندار اراسىندا «مەملەكەتتىك ءتىل - مەملەكەتتىك قىزمەتتە» قالالىق كونكۋرسىن  وتكىزدى.

كونكۋرسقا تومەندەگىدەي كەزەڭدەر بويىنشا سايىسقا ءتۇستى:

1. «سالەمدەسۋ». كوماندا اتاۋى مەن ۇرانى، توپ مۇشەلەرىن تانىستىرۋ؛
2. «كەرەك دەرەك». ءار توپتىڭ مۇشەلەرى كەزەكپەن 10 ۇياشىقتىڭ ىشىنەن وزدەرى تاڭداپ العان ۇياشىقتاعى 3 سۇراققا بەلگىلەنگەن ۋاقىتتا جاۋاپ بەرەدى. سۇراقتار مەملەكەتتىك ءتىل ساياساتىنا، ءتىل تۋرالى زاڭناما مەن مەملەكەتتىك باعدارلامالارعا جانە ت.ب. قاتىستى مالىمەتتەردى قامتيدى
3. «ءسوز مارجانى». ءار توپ كەزەكپەن 10 ۇياشىقتىڭ ىشىنەن وزدەرى تاڭداپ العان ۇياشىقتاعى 3 تاپسىرمانى ورىندايدى. توپ مۇشەلەرى ءتىل تۋرالى باستالعان قاناتتى سوزدەردىڭ، ماقال-ماتەلدەردىڭ ەكىنشى جارتىسىن جالعاستىرىپ، اياقتاۋى ءتيىس.
4. «كيەلى مەكەن». ءار توپتىڭ مۇشەلەرى كەزەكپەن 10 ۇياشىقتىڭ ىشىنەن وزدەرى تاڭداپ العان ۇياشىقتاعى قازاقستانداعى تانىمال  جەردىڭ ەكرانداعى سۋرەتى بويىنشا ونىڭ اتاۋىن انىقتاپ، ول تۋرالى قىسقاشا اڭگىمەلەپ بەرۋلەرى ءتيىس.
5. «انا ءتىلىم – ءان-جىرىم». ءار توپ كەزەكپەن مۋزىكالىق تەاترلاندىرىلعان قويىلىم (ءان ايتۋ، ولەڭ وقۋ، كورىنىس) قويۋ ارقىلى ءوز ونەرلەرىن كورسەتەدى.

قازىلار القاسىنىڭ قۇرامىندا الماتى قالاسىنىڭ قوعامدىق كەڭەسىنىڭ مادەنيەت، ىشكى ساياسات، سپورت جانە ءدىن ماسەلەلەرى جونىندەگى كوميسسياسىنىڭ ءتوراعاسى شالابايەۆ قۇسمان كارىم ۇلى، قازاق مەملەكەتتىك قىزدار پەداگوگيكالىق ۋنيۆەرسيتەتى قازاق ءتىلى ءبىلىمىنىڭ تەورياسى مەن ادىستەمەسى كافەدراسىنىڭ مەڭگەرۋشىسى، فيلولوگيا عىلىمدارىنىڭ دوكتورى، پروفەسسور سۇلەيمەنوۆا جارقىنبيكە نۋاي قىزى، ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ الماتى قالاسى بويىنشا دەپارتامەنتىنىڭ باس مامانى ورازوۆ سايلاۋ سارتاي ۇلى بولدى.  قازىلار القاسىنىڭ شەشىمىمەن كونكۋرس جەڭىمپازدارى انىقتالدى:

باس جۇلدە – المالى اۋدانى

ءى ورىن – الاتاۋ اۋدانى

ءىى ورىن – جەتىسۋ اۋدانى

ءىىى ورىن – ناۋرىزباي اۋدانى.