ءماجىلىس سپيكەرى نۇرلان نىعماتۋلين ق ر پارلامەنتىنىڭ كەزەكتى سەسسياسىنىڭ اياقتالعانىن مالىمدەدى.

«بۇگىن ق ر پارلامەنتىنىڭ ءۇشىنشى سەسسياسىن اياقتايمىز. بۇل جۇمىستى قورىتىندىلاۋ عانا ەمەس، الداعى ماقساتتاردى جۇزەگە اسىرۋعا كۇش-جىگەرمەن ورالۋ. دەپۋتاتتىڭ كورپۋستىڭ بار جۇمىسى ەلباسى نۇرسۇلتان نازاربايەۆ ءۇشىنشى سەسسيانىڭ اشىلۋىندا تاپسىرعان ستراتەگيالىق تاپسىرمالاردى ورىنداۋعا جۇمسالدى»، - دەدى نىعماتۋلين.

ونىڭ ايتۋىنشا، پارلامەنتتىڭ التىنشى شاقىرىلىمىنىڭ ءۇشىنشى سەسسياسى تاريحي كەزەڭدەرگە تولى بولدى. ماسەلەن، قازاقستان بۇۇ قاۋىپسىزدىك كەڭەسىندە ءتوراعالىق ەتتى، ەلدە ەكسپو-2017 حالىقارالىق كورمەسى ءوتتى، سونىمەن قاتار استانادا سيرياداعى قاقتىعىس ماسەلەسىن بەيبىت تۇردە رەتتەۋ پروسەسى ءوتتى. بۇدان وزگە ەلباسى پارلامەنت قابىرعاسىندا «بەس الەۋمەتتىك باستامانى» كوتەردى.

«بۇل باستامالاردى جۇزەگە اسىرۋدا دەپۋتاتتاردىڭ ءرولى زور بولدى. ەلباسىنىڭ زاڭنامالارى مەن  باستامالارى پارلامەنتتىڭ ءۇشىنشى سەسسياسىندا دەپۋتاتتار ءۇشىن ەڭ جاۋاپتى ءىس سانالدى»، - دەپ قوستادى ءماجىلىس سپيكەرى.

سونىمەن قاتار نىعماتۋلين ەلباسىنىڭ تاپسىرمالارىن ورىنداۋ بارىسىندا پارلامەنتتىڭ ناقتى اتقارعان جۇمىستارىنا ەرەكشە توقتالىپ ءوتتى. «ءتورت مارتە پالاتا وتىرىسى ءوتتى، 38 پلەنارلى ءماجىلىس جانە 25 پلەنارلى سەنات وتىرىسىن وتكىزدىك. 400-گە جۋىق ماڭىزدى ماسەلەلەر كوتەرىلدى. ءۇشىنشى سەسسيا باستالار بۇرىن ەكى پالاتادا 129 زاڭناما بەكىتىلگەن، ونىڭ 84ء-ى قابىلداندى. 65ىنە نۇرسۇلتان نازاربايەۆ قول قويىپ، كۇشىنە ەندى»، - دەپ ءسوزىن قورىتىندىلادى نۇرلان نىعماتۋلين.