استانادا «مەملەكەت پەن بيزنەستىڭ سەرىكتەستىگى ەكونوميكانى جاڭعىرتۋدىڭ نەگىزى رەتىندە» تاقىرىبى بويىنشا فورۋم وتكىزىلدى.
فورۋمنىڭ ماقساتى - بيلىك ورگاندارى مەن بيزنەستىڭ اراسىنداعى سەرىكتەستىك ءوزارا قاتىناستاردى قۇرۋ، سونداي-اق كاسىپكەرلىك قىزمەتتى مەملەكەتتىك رەتتەۋدى جەتىلدىرۋدىڭ: بيزنەستى قايتا رەتتەۋدىڭ وزەكتى ماسەلەلەرىن تالقىلاۋ. كەلىسىلگەن جانە دايەكتى جۇمىستىڭ ارقاسىندا بۇگىنگى كۇنى وتاندىق كاسىپكەرلەرگە جۇكتەمەنى ازايتۋ بويىنشا ايتارلىقتاي ناتيجەلەرگە قول جەتكىزىلدى.
سىندارلى پىكىرتالاس قۇرۋ ءۇشىن فورۋمنىڭ جۇمىسىنا ق ر پارلامەنتى، ۇكىمەتىنىڭ، ورتالىق مەملەكەتتىك ورگانداردىڭ، ۇلتتىق كاسىپكەرلەر پالاتاسىنىڭ وكىلدەرى، سونداي-اق بيزنەس-قاۋىمداستىق وكىلدەرى قاتىستى.
فورۋم ۇلتتىق ەكونوميكا ءمينيسترى تيمۋر سۇلەيمەنوۆتىڭ سوزىمەن باستالدى، ول اعىمداعى جىلدىڭ 24 مامىرىندا مەملەكەت باسشىسىنىڭ كاسىپكەرلىك قىزمەتتى رەتتەۋدى جەتىلدىرۋ ماسەلەسى تۋرالى زاڭعا كوپشىلىك الدىندا قول قويعانىن اتاپ ءوتتى. ول 14 كودەكسكە جانە 109 زاڭعا 1000-عا جۋىق تۇزەتۋلەر ەنگىزۋدى كوزدەيدى. زاڭ بيزنەس شىعىندارىن قايتا رەتتەۋ جانە ازايتۋ، اكىمشىلىك كەدەرگىلەردى جويۋ جانە كاسىپكەرلىكتى دامىتۋعا ىنتالاندىرۋ جونىندە جۇرگىزىلگەن ساياساتتى ەسكەرە وتىرىپ ازىرلەندى. قابىلدانعان شارالاردىڭ نەگىزگى ماقساتى مەملەكەتتىك بيلىكتىڭ ۆەكتورىن اۋىستىرۋ بولىپ تابىلادى. ياعني، بيلىك وكىلەتتىگى ساياساتىنان سەرىكتەستىك پەن ىنتىماقتاستىق ساياساتىنا كوشۋ. وسىلايشا، زاڭنىڭ نەگىزگى باعىتى مەملەكەتتىك قىزمەتشىنىڭ باقىلاۋ-قاداعالاۋ فۋنكسيالارىن جۇزەگە اسىرۋداعى مەنتالدىعىن وزگەرتۋگە باعىتتالعان الدىن-الا باقىلاۋدى ەنگىزۋ بولىپ تابىلادى. ۇلتتىق ەكونوميكا ءمينيسترى تيمۋر سۇلەيمەنوۆ اتاپ وتكەندەي، ءقازىر تەكسەرۋلەر جۇرگىزۋ ساياساتى «انىقتاۋ جانە جازالاۋ» ءۇشىن قۇرىلعان، وسىمەن بىرگە تەكسەرۋشىنىڭ قىزمەتى ءدال وسى انىقتالعان بۇزۋشىلىقتار مەن جازالاۋلار سانى جاعىنان باعالاندى. ءوز كەزەگىندە، ءدال وسى «الدىن-الا باقىلاۋ» ينستيتۋتى «انىقتاۋ جانە تۇزەتۋ» ساياساتىنا باعىتتالعان، بۇل بيزنەس پەن مەملەكەتتىڭ سەرىكتەستىك قارىم-قاتىناسىن قۇرۋعا مۇمكىندىك بەرەدى. سونىمەن بىرگە، مينيستر سۇلەيمەنوۆ اتاپ وتكەندەي، الدىن-الا باقىلاۋ ينستيتۋتى قازىرگى زامانعى مەملەكەتتىك قىزمەتشىنىڭ مەنتالدىعىن وزگەرتۋدەگى العاشقى قادام بولىپ تابىلادى.
«اتامەكەن» ۇلتتىق پالاتاسىنىڭ باسقارما ءتوراعاسىنىڭ ورىنباسارى ءجۇرسىنوۆ رۋستام ۇلتتىق كاسىپكەرلەر پالاتاسى ق ر ۇكىمەتىنىڭ كاسىپكەرلىك سەكتوردا جۇرگىزگەن رەفورمالارىنىڭ تولىق قۇقىلى قاتىسۋشىسى بولىپ تابىلاتىنىن اتاپ كورسەتە وتىرىپ، جۇرگىزىلگەن رەفورمالاردىڭ بيزنەسكە اسەرىنە ءوز باعاسىن بەردى. سونىمەن قاتار، ءدال وسى بيزنەس پەن مەملەكەتتىك بيلىك اراسىنداعى ارىپتەستىك قارىم-قاتىناستاردىڭ قۇرىلۋى ءبىزدىڭ ەلىمىزدە باسەكەگە قابىلەتتى جانە ەكونوميكالىق ءتيىمدى كاسىپكەرلىكتىڭ نەگىزىن جاساۋعا مۇمكىندىك بەرەتىنىن دە اتاپ ءوتتى.
باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ كوميتەتى ءتوراعاسىنىڭ ورىنباسارى ساتتار ابۋ-الي، ءوز سوزىندە تسوبت جوباسى ارقىلى جۇزەگە اسىرىلاتىن، مەملەكەتتىك ورگانداردىڭ باقىلاۋ-قاداعالاۋ قىزمەتىندە ادامدىق فاكتوردى بولدىرماۋعا جانە اقپاراتتىق جۇيەلەردىڭ ءرولىن ارتتىرۋعا نازار اۋداردى. جوبانىڭ نەگىزگى ماقساتى - مەملەكەتتىك باقىلاۋ مەن قاداعالاۋدىڭ اشىقتىعى، زاڭسىز تەكسەرۋلەردىڭ جولىن كەسۋ جانە ولاردىڭ سانىن ازايتۋ.
فورۋمعا قاتىناسۋشى قاتىسۋشىلاردىڭ بيزنەس مۇددەلەرىن قوزعايتىن سوڭعى زاڭنامالىق وزگەرىستەر تۋرالى ەڭ ماڭىزدى اقپاراتتار الىپ قويىپ قانا ەمەس، سونىمەن قاتار سپيكەرلەردىڭ ءارقايسىسىنا ءوز سۇراقتارىن قويۋ مۇمكىندىكتەرى دە بولدى.
قازاقستاننىڭ كاسىپكەرلەر قۇقىعىن قورعاۋ جونىندەگى ۋاكىلەتتى وكىلى بولات ءابىلقاسىم ۇلى پالىمبەتوۆ قاتىسۋشىلارعا بيزنەس-ومبۋدسمەننىڭ ورىندايتىن نەگىزگى فۋنكسيالارى تۋرالى ءتۇسىندىردى، ونىڭ ىشىندە باستىسى مەملەكەتتىك ورگاندار تاراپىنان زاڭسىز قۋدالاۋعا جول بەرمەۋ بولىپ تابىلادى، سونداي-اق تۇتاستاي كاسىپكەرلىكتى دامىتۋداعى ۇكىمەتتىڭ وڭ باعىتىن اتاپ ءوتتى.
ق ر پارلامەنتى سەناتىنىڭ ەكونوميكالىق ساياسات، يننوۆاسيالىق دامۋ جانە كاسىپكەرلىك كوميتەتىنىڭ ءتوراعاسى اسقار اسان ۇلى بەيسەنبايەۆ، فورۋمنىڭ سوڭىندا مەملەكەت پەن بيزنەستىڭ قالىپتاسقان سەرىكتەستىك تاجىريبەسىنە ءوز تۇيىندەمەسىن بەردى. دەپۋتات ىنتىماقتاستىق مەملەكەت تاراپىنان دا، ءدال سولاي بيزنەس تاراپىنان دا ءوزارا ءتيىمدى جانە ءوزارا تولىقتىرۋشى قاتىناستارعا نەگىزدەلۋى ءتيىس ەكەندىگىن اتاپ ءوتتى. بۇگىنگى كۇنى مەملەكەت بيزنەس ءۇشىن ايتارلىقتاي جاعدايلار جاسادى، ءبىراق بيزنەس تە ءوز كەزەگىندە، ەلدىڭ ەكونوميكالىق دامۋىنا ءوزىنىڭ شامادان تىس ۇلەسىن قوسۋى كەرەك.
پىكىر قالدىرۋ