اقش پرەزيدەنتى دونالد ترامپ رەسەي باسشىسى ۆلاديمير پۋتينمەن حەلسينكيدەگى كەزدەسۋدىڭ الدىندا وڭاشا سويلەسۋدى جوسپارلايدى. بۇل تۋرالى CNN تەلەارناسىنىڭ جاڭالىقتارى حابارلادى.

پۋتين مەن ترام 16 شىلدەدە حەلسينكيدە كەزدەسۋى ءتيىس. ال ترامپ وزگە ەلدەردىڭ دەلەگاسياسى جينالماس بۇرىن پۋتينمەن جەكە سويلەسىپ الۋدى قالاپ وتىر.

سينگاپۋردەگى اقش-كحدر ءسامميتى كەزىندە ترامپ سولتۇستىك كورەيا باسشىسى كيم چەن ىنمەن ءۇش ساعات بويى وڭاشا سويلەسكەن ەدى. ول ۋاقىتتا كابينەت ىشىندە تەك اۋدارماشىلار عانا بولعان.

ەكى ەل باسشىلارىنىڭ كەزدەسۋ قورىتىندىسىنا سايكەس، ترامپ كورەي جارتى تۇبەگىندەگى يادرولىق قارۋدى جويۋ تۋرالى قۇجاتقا قول قويىپ، يادروسىزداندىرۋ پروسەسىنىڭ «وتە جىلدام» جۇرەتىنىن مالىمدەگەن. ەكى ەل باسشىلارىنىڭ كەزدەسۋىنە الەمدىك ساياساتكەرلەر وڭ باعا بەرىپ، بولاشاقتا تىڭ وزگەرىستەردىڭ بولۋى مۇمكىن ەكەنىن ايتتى.

ال رەسەي مەن اقش باسشىلارىنىڭ كەزدەسۋىنەن الەيھمدىك ساراپشىلار ۇرەيلەنىپ وتىر. ماسەلەن ۇلىبريتانيا بيلىگى ەكى تاراپتىڭ كەلىسسوزدەرى ناتيجەسىندە اقش ناتو-نىڭ نورۆەگيادا جوسپارلانعان ءوقۋلارىنانارى پولشادا امەريكالىق بازا قۇرۋ تۋرالى ويدان باس تارتا ما دەپ قورقادى.

ترامپتىڭ ءوزى بۇل كەزدەسۋدىڭ ناتيجەلى بولاتىنان ءۇمىتتى. ونىڭ ويىنشا، رەسەي مەن اقش قارىم-قاتىناسىنداعى شيەلەنىستىڭ ورنىن سىندارلى سەرىكتەستىك باسادى. ماسكەۋ مەن ۆاشينگتوننىڭ اراسى تۇزەلىپ، حالىقارالىق قاۋىپسىزدىك نىعايادى. ءپۋتيننىڭ دە ويى ترامپتان الشاقتاپ تۇرعان جوق. رەسەي باسشىسى بۇل كەلىسسوزدەردىڭ اسا ماڭىزدى ەكەنىن ايتادى.