ساياساتكەر ايدوس سارىم ترامپتىڭ «پۋتينمەن وڭاشا سويلەسكىم كەلەدى» دەگەن نيەتىنە الاڭداۋشىلىق تانىتىپ وتىر. بۇل تۋرالى ساياساتكەر بۇگىن «جاڭا قازاقستان» فورۋمىنىڭ باسپا ءسوز ءماسليحاتىندا ايتتى، دەپ حابارلايدى Qamshy.kz اقپارات اگەنتتىگى. 

ونىڭ ايتۋىنشا، ترامپ پەن ءپۋتيننىڭ كەزدەسۋىندە تالقىلاناتىن اۋماقتىق شاعىمدار مەن وزگە دە كەلىسىمدەردى زاڭداستىرۋ ماسەلەلەرى قازاقستاننىڭ ەگەمەندىگىنە سوققى بولۋى مۇمكىن.

«ترامپ ايتۋى مۇمكىن: «اينالايىن، بۇرىنعى سوۆەت وداعىنىڭ ەلدەرى سەنىڭ مەنشىگىڭ بولسىن، سەن ءبىزدىڭ ىسىمىزگە ارالاسپا»، - دەپ. ءبىز سودان قاۋىپتەنىپ وتىرمىز»، - دەدى ايدوس سارىم.

ساياساتكەردىڭ ويىنشا، ءبىز باتىسقا بەت بۇرىپ، اقش پەن ەۋروپانىڭ كونتەكسىندە بولۋىمىز كەرەك.

ايتا كەتەيىك، "جاڭا قازاقستان" فورۋمى الماتىدا باسپا ءسوز ءماسليحاتىن وتكىزىپ جاتىر. جيىن بارىسىندا ساياساتكەرلەر اقش استاناسى ۆاشينگتونعا ساپارلارىنىڭ ناتيجەسىن ايتىپ بەردى. اقش-تا اشارشىلىققا باعا بەرۋ، بيلىكتىڭ ءترانزيتى، پارلامەنتتىك جۇيەگە اۋىسۋ ماسەلەسى، سونىمەن قاتار قىتايداعى قازاق ماسەلەسى كوتەرىلگەن.