ەو مالىمدەمەسىندە 28–29 ماۋسىمدا وتكەن ەۋروپالىق كەڭەستە مينسك كەلىسىمىنىڭ ورىندالۋى جاعدايىن تالقىلاعاننان كەيىن، فرانسيا پرەزيدەنتى ەممانۋەل ماكرون مەن گەرمانيا كانسلەرى انگەلا مەركەل سانكسيانى ۇزارتۋ جونىندە كەلىسكەنى ايتىلعان. كەڭەس بۇل شەشىمدى ءبىراۋىزدان قابىلداعان.
بۇل سانكسيالار رەسەيدىڭ قارجىلىق، ەنەرگەتيكالىق جانە قورعانىس سالالارىنا قاتىستى. بۇل تىيىمدار رەسەيدىڭ ۋكراينانى تۇراقسىزداندىرۋىنا نارازىلىق رەتىندە، العاش رەت 2014 جىلدىڭ 31 شىلدەسىندە ەنگىزىلگەن.
بۇل ەكونوميكالىق ساكنسيالار ارقىلى رەسەيگە ەو-نىڭ ءبىرىنشى جانە ەكىنشى دەڭگەيدەگى نارىعىنا كىرۋىنە، قارۋ-جاراق تاۋارى ەكسپورتى مەن يمپورتىنا تىيىم سالىنعان. سونىمەن بىرگە مۇناي بارلاۋى مەن وندىرۋگە ارنالعان قىزمەتتەر مەن تەحنولوگيالاردى پايدالانۋعا شەكتەۋ قويىلعان.
