بۇل جولى استانانىڭ اتاۋى نۇرسۇلتان نازاربايەۆ دەپ اۋىستىرۋدى تۇڭعىش عارىشكەر ايەل ۆالەنتينا تەرەشكوۆا ۇسىندى.

"استاناداي تاماشا قالانىڭ تۇرعىندارىن، بۇكىل قازاقستاندىقتاردى وسى ءبىر ايتۋلى كۇن – قالانىڭ 20 جىلدعىمەن شىن جۇرەكتەن قۇتتىقتايمىن. بۇل نۇرسۇلتان نازاربايەۆ سالعان قالا. استانا دەپ ەمەس، پرەزيدەنتتەرىڭىزدىڭ ەسىمىمەن اتاۋ كەرەك دەپ سانايمىن. ءبىز ول كىسىنى قاتتى جاقسى كورەمىز، ءبىزدىڭ پرەزيدەنتىمىز ۆلاديمير ۆلاديميروۆيچ پۋتين مەن نۇرسۇلتان ءابىش ۇلىنىڭ دوستىق قارىم-قاتىناستا بولعانىن ماقتان تۇتامىز. وتە قۋانىشتىمىز"، — دەگەن ەكەن تەرەشكوۆا Sputnik تىلشىسىنە مەملەكەتتىك دۋمانىڭ استاناعا جۇمىس ساپارى كەزىندە.

ايتا كەتەيىك، 2016 جىلى قازاقستاندىق دەپۋتاتتار قازاقستان تاۋەلسىزدىگىنىڭ  25 جىلدىعى دەكلاراسياسىندا ەلوردانى قازاقستاننىڭ تۇڭعىش پرەزيدەنتى ەسىمىمەن اتاۋدى ۇسىنعان بولاتىن. استانانىڭ اتاۋىن وزگەرتۋگە ەكى نۇسقا بولدى: "نۇرسۇلتان" نەمەسە "نازاربايەۆ". مەملەكەت باسشىسى بۇل يدەيانى قولدامادى.

بۇل باستاما 2017 جىلى قايتا كوتەرىلدى. پارلامەنت دەپۋتاتتارى تاعى دا استانانى ەلباسىنىڭ قۇرمەتىنە اتاۋدى ۇسىنعان. الايدا يدەيا ول جولى دا قولداۋ تاپپادى.

ال سول جىلدىڭ جەلتوقسانىندا پرەزيدەنت كۇنى قارساڭىندا الماتىداعى فۋرمانوۆ كوشەسىنە نۇرسۇلتان نازاربايەۆتىڭ ەسىمى بەرىلدى.