قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ قاۋىپسىزدىك كەڭەسىن ءومىر بويى باسقارۋ قۇقىعىنا يە بولدى. ءتيىستى زاڭ «ەگەمەن قازاقستان» گازەتىندە بەيسەنبىدە جاريالانىپ كۇشىنە ەندى، دەپ جازادى Qamshy.kz اقپارات اگەنتتىگى.

بيىل 5 شىلدەدە پارلامەنت مۇشەلەرى وسى زاڭدى ماقۇلداپ، مەملەكەت باسشىسى زاڭعا قول قويعان بولاتىن. قازاقستاننىڭ كونستيتۋسيالىق كەڭەسى قۇجاتتى كونستيتۋسياعا سايكەس دەپ تانىدى. “قازاقستان رەسپۋبليكاسىنىڭ تۇڭعىش پرەزيدەنتى – ەلباسىنا ءومىر بويى قازاقستاننىڭ قاۋىپسىزدىك كەڭەسىنىڭ ءتوراعاسى بولۋ قۇقىعى بەرىلدى”، – دەلىنگەن جاريالانعان زاڭدا.

ادىلەت ءمينيسترى مارات بەكەتايەۆ «نازاربايەۆتىڭ قاۋىپسىزدىك كەڭەسىن ءومىر بويى باسقارۋ تۋرالى شەشىمى تۇراقتىلىقتىڭ ساقتالۋى مەن نىعايۋىنىڭ فاكتورى» دەپ مالىمدەگەن.

زاڭنىڭ تولىق ءماتىنى تومەندەگىدەي:

قازاقستان رەسپۋبليكاسىنىڭ قاۋىپسىزدىك كەڭەسى تۋرالى

وسى زاڭ قازاقستان رەسپۋبليكاسى قاۋىپسىزدىك كەڭەسىنىڭ قۇقىقتىق مارتەبەسىن، قۇزىرەتىن جانە قىزمەتىن ۇيىمداستىرۋدى ايقىندايدى.

1-تاراۋ. جالپى ەرەجەلەر

1-باپ. قاۋىپسىزدىك كەڭەسىنىڭ قۇقىقتىق ءمار تەبەسى جانە قىزمەتىنىڭ نەگىزى

1. قازاقستان رەسپۋبليكاسىنىڭ قاۋىپسىزدىك كەڭەسى (بۇدان ءارى – قاۋىپسىزدىك كەڭەسى) ىشكى ساياسي تۇراقتىلىقتى ساقتاۋ، كونستيتۋسيالىق قۇرىلىستى، مەملەكەتتىك تاۋەلسىزدىكتى، اۋماقتىق تۇتاستىقتى جانە حالىقارالىق ارەنادا قازاقستاننىڭ ۇلت تىق مۇددەلەرىن قورعاۋ ماقساتىندا قازاقستان رەسپۋبليكاسىنىڭ پرەزيدەنتى قۇراتىن جانە قازاقستان رەسپۋبليكاسىنىڭ ۇلتتىق قاۋىپسىزدىگى مەن قورعانىس قابىلەتىن قامتاماسىز ەتۋ سالاسىندا ءبىرىڭعاي مەملەكەتتىك ساياسات جۇرگىزۋدى ۇيلەس تىرەتىن كونستيتۋسيالىق ورگان بولىپ تابىلادى.
2. قازاقستان رەسپۋبليكاسىنىڭ تۇڭعىش پرەزيدەنتىنە – ەلباسىنا ونىڭ تاريحي ميسسياسىنا بايلانىستى قاۋىپسىزدىك كەڭەسىن ءتوراعا رەتىندە باسقارۋ قۇقىعى ءومىر بويى تيەسىلى.
3. قاۋىپسىزدىك كەڭەسىنىڭ قۇرامىن قازاقستان رەسپۋبليكاسىنىڭ پرەزيدەنتى قاۋىپسىزدىك كەڭەسى ءنىڭ توراعاسىمەن كەلىسە وتىرىپ قالىپتاستىرادى.
4. قاۋىپسىزدىك كەڭەسى قىزمەتىنىڭ قۇقىقتىق نەگىزىن قازاقستان رەسپۋبليكاسىنىڭ كونستيتۋسياسى، وسى زاڭ، قاۋىپسىزدىك كەڭەسى تۋرالى ەرەجە، قازاقستان رەسپۋبليكاسىنىڭ وزگە دە نورماتيۆتىك قۇقىقتىق اكتىلەرى جانە قازاقستان رەسپۋبليكاسىنىڭ حالىق ارالىق شارتتارى قۇرايدى.
5. قاۋىپسىزدىك كەڭەسى قىزمەتىنىڭ وسى زاڭمەن رەتتەلمەگەن ماسەلەلەرى قاۋىپسىزدىك كەڭەسى تۋرالى ەرەجەمەن رەتتەلەدى.

2-باپ. قاۋىپسىزدىك كەڭەسىنىڭ مىندەتتەرى

1. قاۋىپسىزدىك كەڭەسىنىڭ نەگىزگى مىندەتتەرى ەلدىڭ ۇلتتىق قاۋىپسىزدىگىن قامتاماسىز ەتۋ، قورعانىس ءقابى لەتىن نىعايتۋ، زاڭدىلىق پەن قۇقىقتىق ءتار ءتىپتى قامتاماسىز ەتۋ سالاسىنداعى مەملەكەتتىك سايا ساتتىڭ نەگىزگى باعىتتارىن جوسپارلاۋ، قاراۋ جانە ولاردىڭ ىسكە اسىرىلۋىن باعالاۋ بولىپ تابىلادى. قاۋىپسىزدىك كەڭەسى قازاقستان رەسپۋبليكاسىنىڭ زاڭ ناماسىنا جانە قاۋىپسىزدىك كەڭەسى ءتوراعاسىنىڭ شە شىمدەرىنە سايكەس وزگە دە مىندەتتەردى ورىندايدى.
2. قاۋىپسىزدىك كەڭەسى وزىنە جۇكتەلگەن مىندەتتەردى ورىنداۋ ءۇشىن ءتيىستى شەشىمدەر مەن ۇسىنىمداردى ازىرلەيدى جانە قابىلدايدى، مەملەكەتتىك ورگاندار مەن ۇيىمداردىڭ قىزمەتىن ۇيلەستىرەدى.

3-باپ. قاۋىپسىزدىك كەڭەسىنىڭ فۋنكسيالارى

قاۋىپسىزدىك كەڭەسىنىڭ فۋنكسيالارى مىنالار بولىپ تابىلادى:

1) مەملەكەتتىك ورگاندار مەن ۇيىمداردىڭ ەل ءدىڭ ۇلتتىق قاۋىپسىزدىگى مەن حالىقارالىق ۇستانىمدارىن، مەملەكەتتىڭ قورعانىس قابىلەتىن، زاڭدىلىق پەن قۇقىقتىق ءتارتىپتى قامتاماسىز ەتۋ سالاسىنداعى ءىس-شارالاردى ىسكە اسىرۋ جونىندەگى قىزمەتىن ۇيلەستىرۋ؛

2) ۇلتتىق قاۋىپسىزدىكتى قامتاماسىز ەتۋ جانە قاۋىپسىزدىك كەڭەسىنىڭ شەشىمدەرىن ىسكە اسىرۋ ماقساتىندا قۇقىق قورعاۋ جانە ارناۋلى مەملەكەتتىك ورگانداردىڭ قىزمەتىن ۇيلەستىرۋ؛

3) ەل دامۋىنىڭ اسا ماڭىزدى باعىتتارى بويىنشا مەملەكەتتىڭ ستراتەگيالىق قۇجاتتارىنىڭ ورىندالۋ جاي-كۇيىن مونيتورينگتەۋ جانە باعالاۋ؛

4) مەملەكەتتىك باعدارلامالاردى، زاڭ جوبالارىن، ماڭىزدى سىرتقى ساياسي جانە مەملەكەتتىك ءمانى بار وزگە دە باستامالاردى، سونداي-اق ەلدەگى جاعدايدىڭ دامۋىن، الەمدىك جانە وڭىرلىك ۇردىستەردى كەشەندى تالداۋ جانە باعالاۋ، ۇلتتىق قاۋىپسىزدىكتىڭ ىشكى جانە سىرتقى قاتەرلەرىن بولجاۋ، ولاردىڭ الدىن الۋ جانە ولاردى بەيتاراپتاندىرۋ جونىندەگى ۇسىنىستاردى ازىرلەۋ جانە شارالاردى ايقىنداۋ؛

5) قازاقستان رەسپۋبليكاسى ۇكىمەتىنىڭ ۇلتتىق قاۋىپسىزدىكتى، قورعانىس قابىلەتىن، قۇقىقتىق ءتارتىپ ءتى قامتاماسىز ەتۋ سالاسىنداعى قىزمەتىنىڭ ناتيجەلەرى مەن نەگىزگى باعىتتارى تۋرالى جىل سايىنعى بايانداماسىن تىڭداۋ؛

6) ەلدىڭ ۇلتتىق قاۋىپسىزدىگى مەن قورعانىس ءقابى لەتىن قامتاماسىز ەتۋ سالاسىنداعى مەملەكەتتىك ساياساتتى ىسكە اسىرۋ ماسەلەلەرى بويىنشا مەم لەكەتتىك ورگانداردىڭ ءبىرىنشى باسشىلارىن تىڭداۋ؛

7) قازاقستان رەسپۋبليكاسىنىڭ ۇلتتىق قاۋىپسىزدىكتى، قورعانىس قابىلەتىن جانە قۇقىقتىق ءتارتىپتى قامتاماسىز ەتۋ سالاسىنداعى زاڭدارىنىڭ ورىندالۋىن، ونىڭ ىشىندە وسى ماقساتتارعا جۇمسالاتىن قاراجاتتىڭ ءتيىمدى پايدالانىلۋىن باقىلاۋدى ۇيىمداستىرۋ؛

8) ورتالىق جانە وبلىستاردىڭ، رەسپۋبليكالىق ماڭىزى بار قالالاردىڭ جانە استانانىڭ جەرگى لىكتى اتقارۋشى ورگاندارىنىڭ، سونداي-اق قازاق ستان رەسپۋبليكاسىنىڭ پرەزيدەنتىنە تىكەلەي باعىناتىن جانە ەسەپ بەرەتىن مەملەكەتتىك ورگان داردىڭ ءبىرىنشى باسشى لاۋازىمدارىنا تاعايىنداۋعا ۇسىنىلاتىن كانديداتۋرالاردى تالقىلاۋ؛

9) قازاقستان رەسپۋبليكاسىنىڭ زاڭناماسىنا سايكەس وزگە دە فۋنكسيالار.

2-تاراۋ. قاۋىپسىزدىك كەڭەسىنىڭ قىزمەتىن ۇيىمداستىرۋ

4-باپ. قاۋىپسىزدىك كەڭەسى ءتوراعاسىنىڭ وكىلەتتىكتەرى

قاۋىپسىزدىك كەڭەسىنىڭ ءتوراعاسى:

1) قاۋىپسىزدىك كەڭەسىنىڭ قىزمەتىنە باسشىلىقتى جۇزەگە اسىرادى؛

2)قاۋىپسىزدىك كەڭەسىنىڭ وتىرىستارى مەن جەدەل كەڭەستەرىن شاقىرادى؛

3) قاۋىپسىزدىك كەڭەسىنىڭ مۇشەلەرىنە تاپسىرمالار بەرەدى؛

4) قاۋىپسىزدىك كەڭەسى تۋرالى ەرەجەنى بەكىتەدى؛

5 ) ق ا ۋ ءى پ س ءى ز د ءى ك ك ە ڭ ە س ءى ا پ پ ا ر ا ت ى ن ى ڭ ۇيىمدىق-قۇقىقتىق مارتەبەسىن ايقىندايدى، ونىڭ ەرەجەسى مەن قۇرىلىمىن بەكىتەدى؛

6) قاۋىپسىزدىك كەڭەسىنىڭ قىزمەتىنە قاتىستى اكتىلەردى، ونىڭ ىشىندە نورماتيۆتىك قۇقىقتىق سيپاتتاعى اكتىلەردى شىعارادى؛

7) قازاقستان رەسپۋبليكاسىنىڭ زاڭناماسىندا كوزدەلگەن وزگە دە وكىلەتتىكتەردى جۇزەگە اسىرادى.

5-باپ. قاۋىپسىزدىك كەڭەسى مۇشەلەرىنىڭ وكىلەتتىكتەرى قاۋىپسىزدىك كەڭەسىنىڭ مۇشەلەرى:

1) قاۋىپسىزدىك كەڭەسىنىڭ وتىرىستارى مەن جەدەل كەڭەستەرىنە، قاۋىپسىزدىك كەڭەسى كۇن تارتىبىندەگى ماسەلەلەر بويىنشا شەشىمدەر قابىلداعان كەزدە تالقىلاۋ مەن داۋىس بەرۋگە قاتىسادى؛

2) ءوز قۇزىرەتى شەگىندە قاۋىپسىزدىك كەڭەسى شەشىم دەرىنىڭ ورىندالۋىن قامتاماسىز ەتەدى، قاۋىپسىزدىك كەڭەسىنىڭ جانە قاۋىپسىزدىك كەڭەسى جەدەل كەڭەستەرىنىڭ ءتيىستى شەشىمدەرىنىڭ ورىندالۋىن ۇيلەستىرەدى جانە باقىلايدى؛

3) قاۋىپسىزدىك كەڭەسى تۋرالى ەرەجەگە، قاۋىپسىزدىك كەڭەسىنىڭ شەشىمدەرىنە جانە قاۋىپسىزدىك كەڭەسى ءتوراعاسىنىڭ تاپسىرمالارىنا سايكەس وزگە دە وكىلەتتىكتەردى جۇزەگە اسىرادى.

6-باپ. قاۋىپسىزدىك كەڭەسىنىڭ قىزمەت نىساندارى مەن شەشىمدەرى

1. قاۋىپسىزدىك كەڭەسى ءوز قىزمەتىن وتىرىستار مەن جەدەل كەڭەستەر نىسانىندا، سونداي-اق قاۋىپسىزدىك كەڭەسى تۋرالى ەرەجەدە ايقىندالاتىن وزگە دە نىسانداردا جۇزەگە اسىرادى.
2. قاۋىپسىزدىك كەڭەسىنىڭ وتىرىستارى قاۋىپسىزدىك كەڭەسى ءتوراعاسىنىڭ نەمەسە ءتوراعانىڭ ۋاكىلەتتىك بەرۋى بويىنشا قاۋىپسىزدىك كەڭەسى مۇشەلەرىنىڭ ءبىرىنىڭ ءتوراعالىق ەتۋىمەن وتكىزىلەدى. قاۋىپسىزدىك كەڭەسىنىڭ وتىرىستارىن وتكىزۋ مەرزىمدىلىگىن قاۋىپسىزدىك كەڭەسىنىڭ ءتوراعاسى ايقىندايدى.
3. قاۋىپسىزدىك كەڭەسىنىڭ وتىرىستارى ونىڭ مۇشەلەرىنىڭ كەمىندە ۇشتەن ەكىسى بولعان كەزدە زاڭدى بولادى. قاۋىپسىزدىك كەڭەسى مۇشەلەرىنىڭ ءوز وكىلەتتىكتەرىن وزگە ادامدارعا بەرۋىنە جول بەرىلمەيدى.
4. قاۋىپسىزدىك كەڭەسىنىڭ شەشىمدەرى قاتىسىپ وتىرعان قاۋىپسىزدىك كەڭەسى مۇشەلەرىنىڭ جالپى سانىنىڭ قاراپايىم كوپشىلىك داۋسىمەن قابىلدانادى. داۋىستار تەڭ بولعان كەزدە ءتوراعالىق ەتۋشىنىڭ داۋسى شەشۋشى بولىپ تابىلادى.
5. قاۋىپسىزدىك كەڭەسىنىڭ شەشىمدەرى قاۋىپسىزدىك كەڭەسىنىڭ ءتوراعاسى بەكىتكەننەن كەيىن كۇشىنە ەنەدى، قاجەت بولعان كەزدە ولار قازاقستان رەسپۋبليكاسى پرەزيدەنتىنىڭ اكتىلەرىمەن ىسكە اسىرىلادى.
6. قاۋiپسiزدiك كەڭەسiءنىڭ جانە قاۋىپسىزدىك كەڭەسى ءتوراعاسىنىڭ شەشiمدەرى مiندەتتi بولىپ تابىلادى جانە قازاقستان رەسپۋبليكاسى مەملەكەتتiك ورگاندارىنىڭ، ۇيىمدارى مەن لاۋازىمدى ادامدارىنىڭ مۇلتىكسىز ورىنداۋىنا جاتادى.
7. قاۋىپسىزدىك كەڭەسىنىڭ وتىرىستارى مەن جەدەل كەڭەستەرىن، قاۋىپسىزدىك كەڭەسى جۇمىسىنىڭ وزگە دە نىساندارىن ۇيىمداستىرۋ مەن وتكىزۋ، قاۋىپسىزدىك كەڭەسى شەشىمدەرىنىڭ ورىندالۋىن باقىلاۋ ءتارتىبى قاۋىپسىزدىك كەڭەسى تۋرالى ەرەجەدە ايقىندالادى.

7-باپ. قاۋىپسىزدىك كەڭەسىنىڭ اپپاراتى

1.قاۋىپسىزدىك كەڭەسىنىڭ قىزمەتىن اقپاراتتىقتالدامالىق جانە ۇيىمداستىرۋشىلىق قامتاماسىز ەتۋدى قاۋىپسىزدىك كەڭەسىنىڭ اپپاراتى جۇزەگە اسىرادى، ول قاۋىپسىزدىك كەڭەسىنىڭ ءتوراعاسىنا باعى ناتىن جانە ەسەپ بەرەتىن مەملەكەتتىك ورگان بولىپ تابىلادى. قاۋىپسىزدىك كەڭەسىنىڭ، قاۋىپسىزدىك كەڭەسى اپپاراتىنىڭ قىزمەتىن ماتەريالدىق-تەحنيكالىق قامتاماسىز ەتۋ قازاقستان رەسپۋبليكاسىنىڭ زاڭناماسىنا سايكەس جۇزەگە اسىرىلادى.

2. قاۋىپسىزدىك كەڭەسىنىڭ اپپاراتىن قازاقستان رەسپۋبليكاسىنىڭ پرەزيدەنتى قاۋىپسىزدىك كەڭەسىنىڭ توراعاسىمەن كەلىسە وتىرىپ لاۋازىمعا تاعايىندايتىن جانە لاۋازىمىنان بوساتاتىن، لاۋازىمدى ادام بولىپ تابىلاتىن قاۋىپسىزدىك كەڭەسىنىڭ حاتشىسى باسقارادى، ول ءتوراعاعا تىكەلەي باعىنادى جانە ەسەپ بەرەدى.
3. قاۋىپسىزدىك كەڭەسى ءتوراعاسىنىڭ، قاۋىپسىزدىك كەڭەسىنىڭ قىزمەتىن، ولاردىڭ شەشىمدەرىن ءسوزسىز جانە تۇپكىلىكتى ورىنداۋدى، سونداي-اق ولاردىڭ ورىندالۋىن باقىلاۋدى قامتاماسىز ەتۋ ماقساتىندا قاۋىپسىزدىك كەڭەسىنىڭ اپپاراتى مەملەكەتتىك ورگاندار مەن ۇيىمدارعا ورىندالۋى مىندەتتى تاپسىرمالار بەرۋگە قۇقىلى.
4. قاۋىپسىزدىك كەڭەسى اپپاراتىنىڭ قىزمەتكەرلەرى مەملەكەتتىك قىزمەتشىلەر بولىپ تابىلادى جانە قازاقستان رەسپۋبليكاسىنىڭ مەملەكەتتىك قىزمەت تۋرالى زاڭناماسىنا سايكەس لاۋازىمدارعا تا عايىندالادى جانە لاۋازىمدارىنان بوساتىلادى.

3-تاراۋ. قورىتىندى ەرەجەلەر

8-باپ. قاۋىپسىزدىك كەڭەسىنىڭ جانە قاۋىپسىزدىك كەڭەسى اپپاراتىنىڭ قىزمەتىن قارجىلاندىرۋ قاۋىپسىزدىك كەڭەسىن جانە قاۋىپسىزدىك كەڭەسىنىڭ اپپا راتىن ۇستاۋعا ارنالعان شىعىستار قازاقستان رەسپۋبليكاسىنىڭ زاڭناماسىندا بەلگى لەنگەن تارتىپپەن رەسپۋبليكالىق بيۋدجەتتەن قارجىلاندىرىلادى.

9-باپ. وسى زاڭدى قولدانىسقا ەنگىزۋ ءتارتىبى

وسى زاڭ العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ پرەزيدەنتى

ن.نازاربايەۆ

استانا، اقوردا، 2018 جىلعى 5 شىلدە

№ 178-VI قرز