جۋرناليست ايجان قالييەۆانىڭ فەيسبۋك پاراقشاسىندا «پارادوكس ياعني تيىنگە اقشا بار، سۋعا نەگە اقشا جوق» دەگەن جازباسى جاريالانعان بولاتىن.
Qamshy.kz اقپارات اگەنتتىگى سۋسىز وتىرعان اۋىلدىڭ تۇرعىندارىنىڭ جانايقايىنا بەيجاي قاراي المايدى. ايجاننان تولىعىراق اقپارات سۇراعانىمىزدا ول بىلاي دەپ تارقاتتى: «ءبىزدىڭ 71-رازەزد اۋىلىندا مامىر ايىنان باستاپ اۋىزسۋ جوق. مامىر، ماۋسىم ايىندا تۇنگى ساعات بىردەن كەيىن بولسىن سۋ كەلەتىن. تۇرعىندار ءتۇننىڭ جارىمىندا تۇرىپ، ۇيلەرىنە سۋ تولتىرىپ، كىرلەرىن جۋىپ، جۋىنىپ جاتاتىن. ورازا ايىن تولىقتاي سۋسىز وتكىزدىك. اتالعان پروبلەما بىلتىردان بەرى بار. ءبىزدىڭ اۋىل الاتاۋ اۋدانىنا قاراستى بولعانىمەن سۋدى جەكە مەنشىك كومپانيا بەرەدى. جارىققا دا تاريف جوعارى. ءاربىر تۇرعىن سۋدى قۇنى ەكى ءجۇز ەلۋ، ءۇش ءجۇز مىڭنان ءوز ۇيلەرىنە تارتتى.
ەرمەك دەگەن جەكە مەنشىك سۋمەن قامتيتىن ءجشس-نىڭ قوجايىنى اتالعان ماسەلەنىڭ وتىز جىل بويى قايتالانىپ كەلە جاتقانىن ايتادى. ءوز باسىم، كەمى ون رەت حابارلاستىم. اقىر سوڭى نە ىستەپ الاسىڭعا كوشتى.
اۋىل تۇرعىندارى كوشەنىڭ جولىن، جارىعىن تۇگەل ۇجىمدىق جيىنعا سالىپ، اقشا شىعارىپ وزدەرى جاساتتى. سۋدى ءوز قالتالارىنان كىرگىزدى. تىم قۇرىسا سونى دۇرىس الا الماي وتىرمىز. ءبىز الاتاۋ اۋدانىنا كىرگەلى بىردە ءبىر مامان كەلىپ، تۇرعىنداردىڭ جاعدايىن سۇراعان ەمەس. جارىق پەن سۋدىڭ اقشاسىن جينايتىن ادامداردان باسقا ەشكىم كەلمەيدى.
الاتاۋ اۋدانىنىڭ اكىمدىگىنە تۇرعىندار جينالىپ، ەۋرازيا ارناسىمەن بىرگە باردىق. ءبىزدىڭ شۋلاپ كەلە جاتقانىمىزدى اۋدان اكىمىنىڭ ءوزى كورىپ تۇرىپ، دجيپ كولىگىنە وتىرىپ كەتىپ قالدى.
شارۋاشىلىق ءبولىمىنىڭ مامانى اتالعان ءىستى ءوز قولىنا الاتىنىن ايتىپ، جەكە مەنشىككە قاراستى ەرمەك مىرزا تەلەارنا الدىندا شىلدەنىڭ بەسى سۋ كەلەدى دەپ ۋادە بەرگەن ەدى. شىلدەنىڭ بەسىنەن بەرى بەس كۇن ءوتتى. ءبىر تامشى سۋ كورمەدىك. دالا قىرىق گرادۋس.
ونسىز دا اۋىلىمىزعا باراتىن ءبىر عانا اۆتوبۋس بار. ونىڭ ءوزى اراسى قىرىق مينۋتتان، تورت-بەس اۆتوبۋس قانا. قالاداعى جۇمىسىنان ۇيىنە بىرنەشە “پەرەسادكامەن” شارشاپ كەلەتىن جۇرت سۋ تاسۋعا ءماجبۇر. كىم ءبىزدى الماتى قالاسىنىڭ تۇرعىندارى دەيدى، ءوز ۇيىمىزدە سۋ ءىشىپ، دارەتكە بارا المايمىز».
Qamshy.kz اقپارات اگەنتتىگى ءوز كەزەگىندە اتالمىش ماسەلە بويىنشا اكىمدىككە حابارلاسىپ، رەسمي جاۋاپتى تالاپ ەتەتىن بولادى. ازىرگە، وكىنىشكە قاراي، بايلانىس ورناتىلمادى.
