سەمەي قالاسىنىڭ پوليسەيلەرى قالا تۇرعىندارىنا ساق بولۋدى ەسكەرتتى، دەپ حابارلايدى 24.kz.

سەبەبى قالادا الاياقتىق ارەكەتتەر جيىلەپ كەتكەن. جىل باسىنان 400-دەن استام فاكتى تىركەلىپتى. ءتارتىپ ساقشىلارى تەلەفون جانە عالامتور ارقىلى جاسالاتىن الاياقتىق جيىلەپ وتىرعانىن ايتىپ وتىر. سونىمەن قوسا جالعان نەسيە العان الاياقتار دا انىقتالىپ وتىر. تاياۋدا 12 ادامنىڭ اتىنان نەسيە العان قالا تۇرعىنى ۇستالدى. زالالدىڭ جالپى سوماسى 8 ميلليون تەڭگەدەن اسادى.

اسقار تىنىقانوۆ، قالالىق ءىىب كريمينالدى پوليسيا ءبولىمى باسشىسىنىڭ ورىنباسارى:

– بىلتىرعى جىلمەن سالىستىرعاندا، قىلمىستىڭ بۇل ءتۇرى 165 فاكتىگە ارتتى. 236 فاكتىدەن 401 فاكتىگە دەيىن. وسى جىلدىڭ باسىندا، سەمەي قالاسىنىڭ ءىىب-نىڭ ۇيىمداسقان قىلمىستىق بولىمشەسى قارجى اينالىمدارمەن اينالىسقان قارجى ۇيىمىنىڭ ارەكەتىن شەكتەدى.