ەلىمىزدە كادىمگى اقشادان اۋرۋ تارالا باستادى كادىمگى قىزىلدى-جاسىلدى اقشا دا اسا ءقاۋىپتى اۋرۋلاردى تاسىمالدايدى، دەپ حابارلايدى ktk.kz.

الماتىلىق دارىگەرلەر مەنينگيت، تۋبەركۋلەز سىندى ولىمگە اكەلەتىن ءقاۋىپتى باكتەريالار بانكنوتتاردان تابىلىپ جاتىر دەپ دابىل قاقتى. قاراپايىم تازالىق تالاپتارىنىڭ ساقتالماۋىنان كوزگە كورىنبەيتىن زاتتار ادام اعزاسىنا ءتۇسىپ، ارتى قايعىلى جاعدايعا اكەلۋى بەك مۇمكىن ەكەن. 

ادەتتە ءبىز «اقشا - قولدىڭ كىرى» دەپ جاتامىز. تۋرا ماعىناسىندا دا سولاي ەكەن. ياعني، كوزگە تاپ-تازا بولىپ كورىنگەنىمەن، بانكنوتتاردىڭ قاي-قايسىسىندا دا باكتەريا قاپتاپ ءجۇر. اقشا اينالىستا نەعۇرلىم ۇزاق جۇرسە، ونداعى اۋرۋ تۋدىرعىش زاتتار دا سوعۇرلىم كوبەيە تۇسەدى.

ماماندار ءبىر عانا قاعاز اقشادا 500-دەن اسا ميكرواعزا بولاتىنىن انىقتاعان. ءارى كۋپيۋراداعى باكتەريالار وتە ومىرشەڭ كەلەدى. كوك قاعازدىڭ وسىنداي جوعارى ءقاۋپى تۋرالى الماتىلىق دارىگەرلەر قاراشا حالىققا ەسكەرتۋ جاسادى.

الماش احمەتوۆا، الماتى قالاسى قوعامدىق دەنساۋلىقتى قورعاۋ دەپارتامەنتىنىڭ ءبولىم جەتەكشىسى:

-كوپ ادامدار ويلانباستان اقشا ساناعان كەزدە اۋىزدارىنا ساۋساقتارىنا سالىپ، تۇكىرىپ، جاتادى. بۇل ادامداردا جۇقپالى اۋرۋلاردى جۇقتىرۋ ءقاۋپى وتە جوعارى.

باسيللا، سترەپتوكوكك، ىشەك تاياقشاسى... بانكنوتتاردا وتە ءجيى كەزدەسەتىن باكتەريالار وسىلار. اقشادا ءومىر سۇرەتىن مۇنداي زاتتار ادامدى فارينگيت، مەنينگيت، وكپە قابىنۋى، تۋبەركۋلەز سىندى كەسەلدەرگە دۋشار ەتۋى مۇمكىن ەكەندىگى عىلىمي تۇرعىدا دالەلدەنىپتى. ءبىراق، مۇنى كوپشىلىك ەسكەرە بەرمەيدى. اقشادان تارايتىن اۋرۋلاردان ارنايى قورعاناتىن بىرەن-ساران ادام بار. سولاردىڭ ءبىرى الماتىلىق ليۋدميلا شۋكشيەۆا. ول بالا-شاعاسىنا اقشانى ۇستاتپاس بۇرىن، قىزعان ۇتىكپەن ابدەن باسادى ەكەن.

ليۋدميلا شۋكشيەۆا، الماتى قالاسىنىڭ تۇرعىنى:

-اقشا بىزگە دەيىن نەبىر قولدان وتەدى. سوندىقتان، بۇرىننان بانكنوتتاردى ۇتىكپەن باسامىن. جوعارى تەمپەراتۋرا كوك قاعازداعى اۋرۋ تۋدىرعىش زاتتاردى ولتىرەدى. بۇعان قوسا، ءقازىر كوبىنە كارتا ارقىلى تولەم جاساۋعا تىرىسىپ ءجۇرمىن.

قولىڭىزداعى تەڭگە قانشالىقتى ءقاۋىپتى؟! ونى ۇلتتىق ساراپتاما ورتالىعىنا بارىپ، تەكسەرتۋگە بولادى. ءبىز تەكسەرۋدەن وتكىزگەن كۋپيۋرادان ءقاۋىپتى اۋرۋ قوزدىرعىش تابىلماعانىمەن، زەرتحاناداعى ماماندار ونى تاپ-تازا دەپ تە ايتۋعا اۋىزدارى بارمادى.  ال، اقشادان ولىمگە جەتەلەيتىن كەسەلدەردى جۇقتىرمايىن دەسەڭىز، قاراپايىم تازالىق تالاپتارىن ساقتاعانىڭىز ءجون. اسىرەسە، تاماق ىشەر الدىندا قولدى جۋۋ ماڭىزدى. بانكنوتتاردى كىشكەنتايلارعا، ءتىپتى، ۇستاتپاڭىز. سونداي-اق، دارىگەرلەر شەكارا اسىپ، شەتەل اقشاسىن قولدانعان كەزدە دە اسا ساق بولۋ قاجەت دەيدى.

ەپيدەرمالىق ستافيلوكوكك

باسيللا

سترەپتوكوكك

ىشەك تاياقشاسى

قۇرت ينۆازياسى

ەنتەروۆيرۋس

سالمونەللا

شيگەللا