9 شىلدە كۇنى استانا قالاسىنداعى «ارمان» بالالار لاگەرىندە 15 جاستاعى بالا سوققىعا جىعىلىپ كوز جۇمدى. بۇل جايىندا تانيرا بونداريەۆا ەسىمدى جەلى قولدانۋشىسى ءوزىنىڭ پاراقشاسىندا جازدى.

«بۇگىن تاڭەرتەڭ ماعان جانتۇرشىگەرلىك حابارلاما كەلدى. مەنىڭ ۇلىممەن بىرگە لاگەرگە بارىپ، ءبىر ۇستەلدەن تاماق ءىشىپ جۇرگەن بالانىڭ اتا-اناسى قايعىدان قان جۇتىپ وتىر.

«ارمان» لاگەرىندە سەمەنسوۆ اندرەي دميترييەۆيچ ەسىمدى 15 جاستاعى بالانى سوققىعا جىعىپ، اۋلاعا تاستاپ كەتىپتى. استانا قالاسىنداعى №28 مەكەتپتىڭ وقۋشىسى. ءومىرى ەندى باستالىپ كەلە جاتقان بالا ەدى. لاگەر قىزمەتكەرلەرىنىڭ بارلىعى تۇسىنىكتەمە بەرۋدەن قورقىپ وتىر، ال ونداعى كىشكەنتاي بالالارعا بىردەي تەكست جاتتاتقىزىپ قويعان. ءبىر شىندىقتى جاسىرىپ وتىرعانى انىق. اندرەيدىڭ دەنەسىندە ساۋ جەرى قالماعان، كوگەرگەن، ۇرعان ىزدەر كوپ. ول بالانىڭ جوعالعانىن دا ەشكىم بايقاماعان، ىزدەۋ جۇمىستارى كەشتەتىپ باستالعان ەكەن. ءبىر ساعات وتكەننەن كەيىن اندرەيدىڭ دەنەسى تابىلىپ، كوكشەتاۋداعى ءمايىتحاناعا اتا-اناسىنسىز الىپ كەتكەن. نەگە بالانىڭ اتا-اناسىن كۇتپەدى؟ بالالارعا اندرەيدى ەسىن جيىپ، اۋرۋحانادا جاتىر دەپ ايتقان. ول جايىندا بىرەۋمەن تالقىلاۋعا دا تىيىم سالىپ تاستاپتى. كىم؟ نە ءۇشىن؟ نە سەبەپتى بالالاردى ولتىرەدى؟ قۇزىرلى ورگاندار نەگە ءۇنسىز وتىر؟» - دەپ جازادى جەلى قولدانۋشىسى.