فۋتبولدان الەم چەمپيوناتى كەزىندە حورۆاتيا مەن فرانسيا پرەزيدەنتى جاڭبىردىڭ استىندا قالعان ۋاقىتتا، ءپۋتيننىڭ قولشاتىرمەن تۇرعانىن جەلى قولدانۋشىلارى قىزۋ تالقىلاپ جاتىر. كوبى رەسەي پرەزيدەنتىنىڭ ايەل ادامدى جاۋىننىڭ استىندا قالدىرعانىن ايىپتادى. حورۆاتيا مەن فرانسيا پرەزيدەنتى جاڭبىردىڭ استىندا قالعان. ەكەۋى مالماڭداي سۋ بولعاننان كەيىن عانا ولارعا قولشاتىر اكەپ بەرگەن.
ايتا كەتەيىك، بۇعان دەيىن قازاقستاندىق شەنەۋنىكتەر دە وسىعان ۇقساس جاعدايدى باستان وتكەرگەن. سول كەزدەگى اتىراۋ وبلىسى اكىمىنىڭ ورىنباسارى ءسالىمجان ناقپايەۆ جاڭبىرلى كۇنى ءوزى قولشاتىردىڭ استىندا تۇرىپ، سوعىسقا قاتىسقان قاريا جاڭبىردىڭ استىندا قالعان.
بۇل جاعداي حالىق اراسىندا قىزۋ تالقىلانعاننان كەيىن اتىراۋ وبلىسى اكىمدىگى تۇسىنىكتەمە بەردى.
وندا اكىمنىڭ ورىنباسارى سوعىس ارداگەرىنىڭ قولشاتىرسىز تۇرعانىن بايقاعاننان كەيىن كومەكشىسىنە قاريانى جاڭبىردان قالقالاۋىن سۇراعانى ايتىلادى.
بارشا شەنەۋنىككە اقش-تىڭ ەكس-پرەزيدەنتى باراك وبامانىڭ ارەكەتى ۇلگى بولارلىقتاي. وباما ۇشاقتان تۇسكەننەن كەيىن جاڭبىرلى كۇنى ەكى ايەلدى قولشاتىرىمەن عيماراتقا دەيىن جەتكىزىپ سالدى. پرەزيدەنتتىڭ قولشاتىردى كومەكشىسىنە ۇستاتپاعانىن دا حالىق جوعارى باعالادى.
