Smart city ەتالوندىق ۇلگىسى ازىرلەۋ بويىنشا جۇمىستار جۇرگىزىلىپ جاتىر. ونىڭ ناتيجەسىندە ايماقتاردىڭ ورتالىق مەملەكەتتىك ورگاندارمەن ءوزارا قارىم-قاتىناسى كۇشەيمەك. وزەكتى ماسەلەلەر مەن وتاندىق IT نارىق داميتىن بولادى، - دەپ مالىمدەدى اقپارات جانە كوممۋنيكاسيا ءمينيسترى د. ابايەۆ ۇكىمەتتىڭ بۇگىنگى وتىرىسىندا. بۇل جايىندا Qamshy.kz اقپارات اگەنتتىگى digitalkz.kz سايتىنا سىلتەمە جاساپ حابارلايدى.

«اقىلدى قالا مىنالارعا مۇمكىندىك بەرەدى: باسىم مىندەتتەردى شەشەتىن قاجەتتى ونىمدەر مەن تەحنولوگيالاردى ەنگىزۋگە، وزەكتى ماسەلەلەردى شەشۋ جانە ايماقتاعى تابىستى جانە پەرسپەكتيۆالىق دامىتۋ ارقىلى ايماقتىڭ ەكونوميكالىق جانە الەۋمەتتىك دامۋىنا جاعداي جاساۋعا، وتاندىق IT نارىقتى دامىتۋعا ىقپال ەتەدى»، - دەدى داۋرەن اسكەربەك ۇلى.

تاعى دا ايتا كەتەرلىگى، «سيفرلىق قازاقستان» باعدارلاماسىنىڭ اياسىندا ەلىمىزدىڭ بارلىق وبلىستارىندا سيفرلىق كەڭسەلەر اشىلدى.                                              

«سيفرلاندىرۋ اياسىندا اقپارات جانە كوممۋنيكاسيا مينيسترلىگى كەلەسى جۇمىستاردى ىستەدى. بارلىق 16 وبلىستىڭ اكىمدىكتەرىندە سيفرلاندىرۋ كەڭسەلەرى قۇرىلدى. جەرگىلىكتى اتقارۋشى ورگاندار ىسكە اسىراتىن جوبالاردى ۇيلەستىرۋ پروسەسىن مينيسترلىك جانە زەردە حولدينگى نەگىزىندە قۇرىلعان سيفرلاندىرۋدىڭ ورتالىق شتابى باسقارىلدى.  وبلىستار مەن ورتالىقتاندىرىلعان ءارى ۇيلەستىرىلگەن ءوزارا بايلانىستى ورناتۋ ءۇشىن جول كارتالارىن جوبالار جانە وزگە دە اقىلدى قالالاردى جاساۋ ماقساتىندا ارنايى پورتال جۇمىس ىستەيتىن بولدى»، - دەدى مينيستر.

سونداي-اق، مينيستر وڭىرلەردەگى سيفرلاندىرۋعا توقتالىپ، ءساتتى جۇزەگە اسىپ، ەلىمىزگە وڭ ناتيجە بەرىپ جاتقانىن ايتتى.

«اقىلدى قالا جوبالارىن ىسكە اسىرىلۋى بويىنشا بىرنەشە مىسال كەلتىرە كەتەيىن. پاۆلودار وبلىسىنىڭ ءبىلىم بەرۋ سالاسىنداعى ونلاين جۋرنال مەن كۇندەلىكتەردى ىسكە قوسۋ ارقىلى وقۋشىلاردىڭ وقۋ ۇلگەرىمى 3 پايىزعا ءوستى. شىعىس قازاقستان وبلىسىنداعى اۋدان ورتالىقتارىنان تىس ورنالاسقان 67 دارىگەرلىك امبۋلاتوريالاردى جانە فەلدشەرلىك-اكۋشەرلىك ورىنداردى  ينتەرنەت جەلىسىنە قوسۋدىڭ ارقاسىندا حالىققا مەملەكەتتىك قىزمەت كورسەتۋدىڭ ۇلەسى 93 پايىزعا ارتقان»، - دەدى ول.

ونىڭ ايتۋىنشا، سيفرلاندىرۋدىڭ ارقاسىندا باتىس قازاقستان وبلىسى العاشقى مەديسينالىق كومەك كورسەتەتىن ۋاقىتتى قىسقارتتى. اتاپ ايتقاندا، جەدەل جاردەمنىڭ كەلۋ، جەدەل جاردەمدى باسقارۋ جۇيەلەرى ەنگىزىلدى.

«سمارت تەحنولوگيالاردى ەنگىزۋ ءۇشىن استانا كوشە جارىعىنا قىزمەت كورسەتۋ شىعىندارىن 30 پايىزعا دەيىن قىسقارتقان. ال، ەنەرگيا قورلارىن 60 پروسەنتكە دەيىن تومەندەتتى»، - دەدى ق ر اقپارات جانە كوممۋنيكاسيالار ءمينيسترى.