«اقش پرەزيدەنتىن سىناۋشىلار ترامپتىڭ "رەسەي پرەزيدەنتى ۆلاديمير پۋتينگە ءوز بارلاۋشىلارىمنان قاراعاندا كوبىرەك سەنەمىن" دەگەنىن جاپپاي سىنعا العان.

17 شىلدەدە ترامپ جۋرناليستەردى اق ۇيگە جيناپ، "امەريكانىڭ ارنايى قىزمەتىنە رەسەي پرەزيدەنتىنە قاراعاندا كوبىرەك سەنەتىنىن" ايتتى.

ترامپ حەلسينكيدە "سوزدەن جاڭىلعانىن" مويىندادى (18 شىلدە، 2018)».

اقش پرەزيدەنتى د.ترامپتىڭ رەسەي پرەزيدەنتى ۆ. ءپۋتيننىڭ الدىندا سالماعىنان ايرىلىپ، ەپەلەكتەپ قالعانىن الەم اقپاراتى جارىسا جازۋدا.

ترامپتىڭ رەسەي پرەزيدەنتى پۋتينگە دەگەن ەرەكشە «سۇيىسپەنشىلىگى مەن زور ماحابباتىنىڭ» سىرىن كوپشىلىگى ىشتەي سەزگەندەرىمەن، سىرتتاي ايعايلاپ ايتىپ جاتقان  جوق.

سونىمەن بىرگە ترامپتىڭ «ەۋرووداقتى تاراتۋ كەرەك»، تەرەزە مەيگە «ەۋرووداقتى سوتقا بەر» دەپ اقىل ايتۋى، ت.ب. قىزىق-قىزىق مىنەزدەرىنە بىرەۋدىڭ كۇلكىسى كەلگەنىمەن، ەندى بىرەۋدىڭ جىلاعىسى كەلەدى. سونداي-اق، ترامپتىڭ ەكى ءسوزىنىڭ ءبىرى «اقشا، پايدا تابۋ». سوندا مەملەكەتتىك ساياسات قايدا قالادى؟

بىرەۋلەردىڭ سونداعى قانداستارىمىزدى جازىقسىز جازالاپ، جەر اۋدارىپ جاتقانىن كورىپ، ءبىلىپ وتىرىپ، كورشىدەگى الىپ مەملەكەتتىڭ كوسەمى مەنى «اعا دەپ ايتتى» دەگەنى سياقتى، ترامپتىڭ دا پۋتين الدىندا ءوز سالماعىنان ايرىلىپ قالاتىنىڭ سىرى نەدە ەكەن وسى؟

جالپى ساياساتتا جەكە باستىڭ مۇددەسى دەگەن بولامايدى. تەك مەملەكەتتىك دەڭگەيدە عانا ويلاۋدى، سويلەۋدى، ءوزىن ۇستاۋدى تالاپ ەتەدى الەمدىك تاجىريبە.

ال مىنا زامان نە بولىپ بارا جاتىر؟ كىم ۇساقتاپ بارا جاتقان؟ كىمدى الجىعانعا جاتقىزۋعا بولادى؟

جالپى، مەملەكەتتىك ساياسات – ەشكىمگە دە ويىنشىق ەمەس!

شىنىندا دا ۆ. پۋتين ترامپتىڭ اقش پرەزيدەنتتىگىنە سايلاۋ كەزىندە باسەكلكسى حيللاري كلينتوندى قالاي كىمنىڭ «زور كومەگى» ارقاسىندا جەر سوقتىرىپ كەتكەنىن، ونىڭ قۇپياسىن بىلەتىن جالعىز ادام سياقتى.

اقش پرەزيدەنتى رەسەي پرەزيدەنتىمەن ەش كۋاسىز وڭاشادا ۇزاق سويلەسۋلەرىنىڭ دە سىرى سول جۇمباق كۇيىندە قالۋدا.

سونىمەن د. ترامپ ءپۋتيننىڭ الدىندا نەگە ەلپىلدەپ قالادى ەكەن؟

جۇماش كوكبورى