قازاقستاندىق زىلتەمىرشى يليا يلين ءوزىنىڭ ينستاگرام پاراقشاسىندا دەنيس تەننىڭ قازاسىنا قاتىستى پىكىر ءبىلدىردى.
"اۋىر قازادان ءالى وڭالا الماي وتىرمىن. ءبىز دارىندى سپورتشى، كەرەمەت ادامنان ايىرىلدىق. ول ۇنەمى جۇرەگىمىزگە قۋانىش سىيلايتىن. جاس بولعانىنا قاراماستان ەل ءۇشىن كوپ ەڭبەگى ءسىڭدى. مەن ءىنىمدى جوعالتتىم. ءار كەزدەسكەندە اقىل-پاراساتىنا، جوعارى مادەنيەتىنە تامساناتىنمىن. دەنيس ومىردە مەن وعان موتيۆاسيا بەرەتىنىمدى ايتاتىن. شىن مانىسىندە مەن وعان قاراپ مىقتىراق بولۋعا تىرىساتىنمىن. جارايسىڭ. ونىڭ ارامىزدا ەندى جوق ەكەنىنە سەنۋ قيىن. دەنيستىڭ وتباسىنا جانە جاقىندارىنا كوڭىل ايتامىن" دەپ جازدى سپورتشى.
