كاسىپكەر مارعۇلان سەيسەنباي دەنيس تەننىڭ ولىمىنە قاتىستى پىكىر ءبىلدىردى. ءوز سوزىندە ول دەنيس تەننىڭ قازاسىنا قوعامدى كىنالادى.
«حالىق سانىنا شاققاندا پوليسيا سانىنان ءبىز دۇنيەجۇزىندە 6-ورىندامىز. كريمينالدىڭ قۇتىرۋى مەنتتەردىڭ پاراقورلىعىنان»، - دەي كەلە قايعىلى وقيعانىڭ ورىن الۋ سەبەبىن بىلاي دەپ ءتۇسىندىردى.
«ارينە، دەنيس تەنمەن بولعان قايعىلى وقيعادا كۇنانى مەنتتەرگە، قىلمىسكەرلەرگە، بازارلارعا، وزىمىزگە ت.ب. نارسەلەرگە ارتۋعا بولادى. ءبىراق بولعان وقيعانىڭ ءتۇپ تامىرىن مىنا ءسوز جاقسى سيپاتتايدى: «قىلمىس – قوعامنىڭ تۇراقسىز ەكونوميكاعا قالىپتى جاۋابى»، - دەپ جازدى مارعۇلان سەيسەنباي ءوزىنىڭ Instagram-داعى پاراقشاسىندا.
ايتا كەتەيىك، قازاقستاندىق چەمپيوندى ۇرى ءارى قاندىقول قىلمىسكەر قۇرمانعازى مەن بايسەيىتوۆ كوشەلىرىنىڭ قيىلىسىندا پىشاقتاپ كەتكەن ەدءى. سونىڭ سالدارىنان دەنيس 3 ليترگە جۋىق قان جوعالتتى. دارىگەرلەر ونىڭ ومىرىمەن 2 ساعات بويى ارپالىستى، الايدا ناتيجەسىز بولدى. جۇلدىز ءبىر ساتتە ءسوندى دە قالدى.
