اعىمداعى جىلدىڭ 20 شىلدەسىندە قازاقستان رەسپۋبليكاسى تەرروريزمگە قارسى ورتالىعىنىڭ قولداۋىمەن شىعىس قازاقستان وبلىسىنىڭ اۋماعىندا «شىعىس-انتيتەررور‑2018» رەسپۋبليكالىق جەدەل-تاكتيكالىق وقۋ جاتتىعۋى وتكىزىلدى. بۇل تۋرالى ۇقك حابارلادى.
اۋماقتاعى ءقاۋىپتى وندىرىستىك وبەكتىلەردە تەرروريزم اكتىلەرىن جاساۋدىڭ ءتۇرلى سەنارييلەرىنە اسەر ەتۋ جانە حابارلاندىرۋ جۇيەسىن ءارى قاراي جەتىلدىرۋ سۇراقتارى جولعا قويىلدى. ولاردىڭ سالدارىن الدىن الۋ، جولىن كەسۋ جانە جويۋ بويىنشا تارتىلاتىن مەملەكەتتىك ورگانداردىڭ ءوزارا ارەكەتتەسۋ دەڭگەيىن جوعارىلاتۋعا نازار اۋدارىلدى.
جاتتىعۋ بارىسىندا شارتتى ەنگىزىلگەن «تەرروريستىك ءقاۋىپتىڭ قىزىل دەڭگەيى» شەڭبەرىندە ارناۋلى ماقساتتاعى بولىمشەلەر تۇتقىنعا الىنعان ادامداردى بوساتۋ، تەرروريستەردى قارۋسىزداندىرۋ جانە جويۋ بويىنشا ارناۋلى وپەراسيا وتكىزدى.
