Instagram-دا دەنيس تەندى ءولتىردى دەگەن كۇدىكتىمەن اتتاس جەلى قولدانۋشىسى سوڭعى 12 ساعاتتا ءبىرتۇرلى جازبالار قالدىرعان، دەپ جازادى Qamshy.kz اقپارات اگەنتتىگى. جەلىدە ءوزىن nuraly_kiyasov دەپ ساقتاعان قولدانۋشى ءدال سول كۇدىكتى مە، جوق پا، ول جاعى بەيمالىم. الايدا 24 ساعات ىشىندە جاريالانعان مىنا جازبالارعا نازار سالساڭىزدار دەيمىز.

19 شىلدە كۇنى بۇكىل قازاققا ورتاق قايعىلى وقيعا ورىن العان ەدى. مانەرلەپ سىرعاناۋ شەبەرى، قازاقستاندى الەمگە تانىتىپ جۇرگەن داڭقتى سپورتشى دەنيس تەن پىشاق جاراقاتىنان كەشە كەشكى ساعات 17.30-دا قايتىس بولدى.

دەرەكتەرگە سۇيەنسەك، تاپا-تال تۇستە دەنيس تەن كولىگىنەن اينا ۇرلاماق بولعان ۇرىنىڭ قولىنان قازا تاپتى. پوليسيا قىزمەتكەرلەرى ءبىر تاۋلىككە جەتكىزبەي ەكى كۇدىكتىنى دە ۇستادى. تەرگەۋ جۇمىستارى جالعاسىپ جاتىر. كۇدىكتىنىڭ ءبىرى 1994 جىلعى جامبىل تۋماسى نۇرالى قياسوۆ كىناسىن مويىنداعانىمەن، بۇل وقيعاعا قاتىستى كوپتىڭ كوكەيىندە كۇدىك باسىم بولىپ تۇر. وسىعان وراي Qamshy.kz اقپارات اگەنتتىگى كۇدىكتىلەر جايلى اقپارات ىزدەۋگە كوشتى. ناتيجەسىندە Instagram جەلىسىندە نۇرلان قياسوۆ ەسىمدى قولدانۋشىنى كوزىمىز شالدى.

ماسەلەن، وسىدان 3 ساعات بۇرىن جاريالاعان سۋرەتىندە بىلاي دەلىنگەن: «ساعان ەشكىم سەنگىسى كەلمەسە، اقتالۋ دا مۇمكىن ەمەس».

ءارى 3 ساعات بۇرىن تۇرمە ىشىنەن سۋرەت جاريالانعان.

سونىمەن قاتار «مەنى راسىندا كىنالى دەپ ويلايسىز با؟» دەگەن ساۋال تاستاپتى. وعان جەلى قولدانۋشىلارىنىڭ 64 پايىزى «ءيا» دەپ جاۋاپ قاتقان.

بۇل دەرەكتەردىڭ راس-وتىرىگى بەلگىسىز. پوليسيا قىزمەتكەرلەرىنىڭ اراسىندا جۇرگەن كۇدىكتى ءوز پاراقشاسىن جۇرگىزىپ وتىرا المايتىنى انىق. دەي تۇرعانمەن سپورتشىنىڭ قازاسى جۇمباققا تولى ەكەنىن مويىنداۋىمىز كەرەك. تاپا-تال تۇستە، ادام كوپ جۇرەتىن ورىندا بەدەلدى سپورتشىنىڭ ءولتىرىلۋى راسىندا كوپتىڭ كوكەيىنە مىڭ ساۋال اكەلەدى. شەشىمىن تابۋ ۋاقىت ەنشىسىندە. ال بىزدە تەرگەۋ جۇمىستارى ءادىل جۇرگىزىلسە دەگەن تىلەك بار.