الماتىدا شىعىس اينالما جولىندا كولىك قاعىپ كەتكەن بەس جاسار بالا تىلگە كەلدى. بۇل تۋرالى الماتى قالاسى دەنساۋلىق ساقتاۋ باسقارماسى حابارلادى.
باسقارمانىڭ بەرگەن دەرەكتەرىنە سايكەس، بالانىڭ جاعدايى ءالى دە اۋىر، الايدا تۇراقتى. ال ەرتەڭ نەيروحيرۋرگيا بولىمىنە اۋىستىرىلادى ەكەن.
«بالا ەسىن تولىق بىلەدى. سۇراقتارعا دۇرىس جاۋاپ بەرىپ جاتىر»، - دەدى باسقارما وكىلى.
ايتا كەتەيىك، وسىدان بىرەر كۇن بۇرىن «اقكەنت» تۇرعىن ءۇي كەشەنى جانىندا اعاشتىڭ تۇبىنەن اۋىر حالدە جاتقان 5 جاستاعى بالا تابىلدى. دەرەكتەرگە سايكەس، ونى كولىك قاعىپ كەتكەن. كولىك جۇرگىزۋشىسى 5 جاسار دىنمۇحاممەدتى اۋرۋحاناعا اپارۋدىڭ ورنىنا توسەنىشكە وراپ اعاشتىڭ تۇبىنە تاستاپ كەتكەن ەدى.
