بۇگىن الماتى قالاسىنىڭ قوعامدىق كەڭەسى تۇرعىندار قاۋىپسىزدىگىن قامتاماسىز ەتۋ ماسەلەسىن قارادى، دەپ حابارلايدى Qamshy.kz اقپارات اگەنتتىگى. قوعامدىق كەڭەس قورىتىندىسى تۋرالى ساياساتتانۋشى ايدوس سارىم "جاڭا عانا الماتى قالاسىنىڭ قوعامدىق كەڭەسى ءوز جۇمىسىن تامامدادى.
ءبىراز ناقتى ۇسىنىستار جاسالدى.
جيىن سوڭىندا ءبىر اۋىزدان مينيستر قاسىموۆ، ورىنباسارلارىمەن جانە قالالىق ىشكى ىستەر باسقارماسى باسشىلىعىنىڭ وتستاۆكاسىن تالاپ ەتتىك"، - دەپ جازدى الەۋمەتتىك جەلىدە. 

ال، كەڭەس وتىرىسى تۋرالى  "باس پروكۋرور قايرات قوجامجاروۆقا، ۇقك ءتوراعاس كارىم ماسىموۆكە، مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ ءتوراعاسى اليك شپەكبايەۆقا جانە ءىىم باسشىسى قالمۇحانبەت قاسىموۆقا حات دايىنداپ قويدىق، قىزمەتتىك سايكەستىگى جايلى ماسەلەنى جانە ءىىم باسشىسى مەن قالالىق ءىىد باسشىلىعىن وتستاۆكاعا جىبەرۋ ماسەلەسىن كوتەرىپ جاتىرمىز. مۇنداي شەشىمدەر قابىلداماساق، ادامدار ۇيرەنىپ الادى. باسشىلىقتى جاڭارتۋ قاجەت"، - دەپ مالىمدەدى قوعامدىق كەڭەس مۇشەسى، قالالىق ءماسليحات دەپۋتاتى راحمان الشانوۆ وتىرىس بارىسىندا.

ايتا كەتسەك، 19 شىلدەدە پىشاق جاراقاتىنان كوز جۇمعان دەنيس تەن جاعدايىنان كەيىن الەۋمەتتىك جەلىدە قاملۇحانبەت قاسىموۆتىڭ وتستاۆكاسىن تالاپ ەتۋشىلەر سانى ارتتى. سونداي-اق، ۇرلىق، توناۋ فاكتىلەرى بويىنشا ءتۇرلى جاعدايلاردىڭ بەتىن اشقان پوستتار كوبەيدى. كوپ جاعدايدا قىلمىسقا پوليسەيلەر نەمقۇرايلى قاراپ، سالعىرتتىق تانىتقان.