اتا-انا بايقۇس شىرىلداپ قالدى. ارينە "انانىڭ كوڭىلى بالادا، بالانىڭ كوڭىلى دالادا". كۇنى كەشە عانا جەلىنى دەنيستى ءولتىردى دەگەن كۇدىكتى ن. قياسوۆتىڭ اتا-اناسى، تۋىستارى بالاما جالا جابىلدى دەگەن ۆيدەو جاۋلادى. ءار اتا-اناعا ءوز بالاسى ءاپپاق، مامىق. 
دەگەنمەن، اۋىلداستارى "نۇرالى مەكتەپتە بۇزىق بولدى، كوللەدجدە جۇرگەندە بىرنەشە رەت كولىك شاعىپ، تارتىپسىزدىكپەن كوزگە ءتۇستى. قاعىنىپ ءجۇرۋشى ەدى، مىنە ۇرىندى" دەيدى. كىم ءبىلسىن، ءبىزدىڭ تىلەك ناقاقتان ناقاق قازاقتىڭ بالاسى كۇيىپ كەتپەسىن!
الماتىعا ارمان ىزدەپ جىل سايىن قانشا جاستار كەلەدى. ءيا، ارمان قالا كوشىنە ىلەسە الماعانداردى جالماۋىزداي جۇتىپ جىبەرەدى. كوشەگە ءبىر شىققاندا 100 000 تەڭگە  الساڭ 100 مىڭ، 10 مىڭ الساڭ 10 مىڭ تەڭگە كەتەدى. وتكەندە ءبىر قىزدىڭ فوتوسىن سالدىم، "ماگنۋمعا" كەلۋشىلەردىڭ سومكە، ءاميانىن الىپ قاشىپ داعدىلانعان. ۆيدەوعا تۇر-كەلبەتى انىق ءتۇستى قازاقتىڭ جاپ-جاس قىزى. ونى دا ءباز ءبىر اتا-انا "ءبىزدىڭ قىز الماتىدا جۇمىس ىستەيدى، ءبىزدى اسىرايتىن وسى" دەپ مارقايىپ وتىرعان شىعار؟ مىنا فوتوداعى جىگىت تە بىرەۋدىڭ ماپەلەپ وسىرگەن اسىقتاي ۇلى. كەشە تاپا-تال تۇستە اقسايداعى كولىكتەن اقشا، قۇجات تولى سومكەنى ۇرلاپ قاشتى. سول سياقتى قانشا قىز-جىگىت اۋىلعا قايتۋ ورنىنا ءتۇرلى جولمەن "ءناپاقاسىن" تاۋىپ ءجۇر. "دومرابوتنيسا" تانىسىم ايتادى "مەن بۇرىن جەزوكشەلەردى ەرەكشە دەپ ويلاسام كادىمگى اۋىلدىڭ قىزدارى ەكەن عوي. شەفتىڭ ءۇيىن جينايمىن، كۇنارا ءبىر جاس قىز كەلىپ كەتىپ جاتادى. ءجاي انشەيىن كوشەدە كورىپ جۇرگەن قىزدار. "ينوگورودنيە" عوي اقشا كەرەك ولارعا" دەپ جىمىڭدايدى شەف دەگەن اڭگىمەسىن جەتكىزدى.
شىندىعىندا، الماتى، استانا سىندا ۇلكەن شاھارعا ەش ماماندىقسىز جۇمىس ىزدەپ كەتكەن ۇل-قىزىڭىزدىڭ تۇرىپ جاتقان جەرىنە سوڭعى رەت قاشان باردىڭىز؟ پاتەر يەسى، كورشىلەردەن قانداي دەپ سۇرادىڭىز با؟ بالاڭىزدىڭ جۇمىس ادرەسىن بىلەسىز بە؟ كىممەن تۇرىپ، قانداي شارۋامەن اينالىسىپ جۇرگەنىنەن حاباردارسىز با؟ وندا كەش ەمەس، قال-جايىن ەسكەرتپەي ءبىلىپ قايتىڭىز! قارعا دا بالاسىن ءاپپاعىم دەيدى؟

گۇلميرا ءابىقايدىڭ فەيسبۋك پاراقشاسىنان