قىز الىپ قاشۋدى ۇلتتىق داستۇرگە جاتقىزىپ، اقتايتىنداردى تۇسىنبەيمىن. ەرتەدە قازاق كوڭىلى سۇيگەنىمەن قۇدا بولىپ، ايتتىرىپ، قالىڭ بەرىپ، قالىڭ الىپ بارىپ قىز بەرگەن، كەلىن تۇسىرگەن. كەيدە مالى كوپتەر كەدەيدىڭ قىزىن قالىڭمالعا ماتاپ، كىشىلىككە العان. سوندايدا عانا موسقال ادامعا قىزدىڭ تيگىسى كەلمەگەندە امالدىڭ جوقتىعىنان جىگىت پەن قىز ءبىرىن ءبىرى ۇناتىپ تۇرعاندا بارىپ الىپ قاشقان. 
باتا بۇزىلۋدىڭ ايىبىن رۋ بولىپ كوتەرىپ، اراعا بيلەر بيلىگى ءجۇرىپ، ۇلكەن داۋ بولىپ باسىلعان. قىز الىپ قاشۋ ءداستۇر ەمەس، امالسىزدىقتان جاسالعان شارا. 
سوندىقتان جىگىتتەر، قازاق قىزىنىڭ وبالىنا قالىپ، كوز جاسىن توكپەي، ءداستۇر جاناشىرى رەتىندە جالعاستىرعىلارىڭ كەلسە اتتاستىرۋدى جاڭعىرتىپ، زورلىقپەن باسىپ الۋدى قويىڭدار.
جەلىدە الىپ قاشقان كەلىننىڭ جوعالعانىن وقىدىم. گۇلميرا ءابىقايدىڭ فەيسبۋك پاراقشاسىنا كىرىپ كورىڭىزدەر، نانباساڭىزدار. ول مىنانداي جازبا قالدىرىپتى:
"كەلىن جوعالدى!!!!
كۇيەۋى ءولىمشى قىلىپ ساباپ، تاڭعى 6-دا ۇيدەن شىعىپ كەتكەنىنە بۇگىن ءتورتىنشى كۇن. سودان بەرى جانسايانى كوردىم-بىلدىم دەگەن ادام جوق. جاسى 19-دا. 7 اي بۇرىن كورشى اۋىلدىڭ بالاسى الىپ قاشتى. ەكى ايدان سوڭ توركىنىنە كوكالا قويداي بوپ اياعى سىنىپ كەلدى، ءۇش ايدان سوڭ قولى شىتىناپ تاعى كەلدى. بۇل جولى ءۇشىنشى رەت كەلگەندە "كەلىن بولعان جەردەن ءتۇڭىلدىم" دەپ كەسىپ ايتتى. شىمكەنتتىك جەڭگەلەر قويسىن با، سوڭعى رەت دەپ تۇندەلەتىپ كۇيەۋىنە قايتا قوستى. تاڭعى التىدا ەنەسى، كۇيەۋى ءبارى توسەك سيپاپ قالدى. جاس كەلىن بەلگىسىز جاققا كەتكەن كۇيى جوق. بۇگىن ءتورتىنشى كۇن، وقيعا تۇركىستان وبلىسى، سوزاق اۋدانىندا ورىن الدى. جانسايا ءدال وسى كۇيدە ۇيدەن بەزىپ شىققان، اق جاۋلىقتى كەلىنشەكتى كىم كوردى؟"

انار تولەۋحان قىزى