ون جىلعا سوتتالعان بۇرىنعى ەكونوميكا ءمينيستىرى قۋاندىق بيشىمبايەۆتىڭ تيەسىلى مۇلىكتەر ەندى عانا مەملەكەتتىڭ مەنشىگىنە وتۋدە. سولاردىڭ ءبىرى – استانا تۇبىندەگى قوسشى اۋىلدا سالىنعان ءزاۋلىم كوتتەدج سوت شەشىمىمەن اۋدان اكىمدىگىنە بەرىلمەك. ازىرگە، اۋدان باسشىلىعى حان سارايىنداي ءۇيدى نەگە پايدالاناتانىن ناقتى جاريالاعان جوق. بۇل تۋرالى ەۋرازيا ءبىرىنشى ارناسى حابارلايدى.
 
ءبىز ءقازىر سوت 62 ميليوننان اسادى دەگەن ەكس-مينيستر قۋاندىق بيشىمبايەۆتىڭ ءزاۋلىم سارايىنىڭ الدىندا تۇرمىز. ءبىراز ۋاقىتقا دەيىن ورنالاسقان جەرى قۇپيا بولىپ كەلگەن كوتتەدجدىڭ ماڭىنا كوپتەن بەرى ادام بولماعانى كورىنىپ تۇر. ال مۇندا كورشىلەرى قۇرىلىستى باستاپ كەتكەن. الايدا وندا جۇمىس ىستەپ جۇرگەن قۇرىلىسشىلار عيماراتقا سوڭعى ۋاقىتتا اتى ءىزىن سالعان ەشكىمدى كورمەگەندەرىن ايتۋدا. ءتىپتى اناۋ ەكىنشى قاباتتاعى اشىق تۇرعان تەرەزە ءالى كۇنگە دەيىن سول قالپىندا تۇر ەكەن.

ەندى ءبىر جىلعا جۋىق ۋاقىت  بوس تۇرعان ءزاۋلىم ءۇي جۋىردا ەندى اۋدان اكىمدىگىنىڭ مەنشىگىنە وتپەك. ال ونى اكىمدىك الداعى ۋاقىتتا اۋىلعا ەڭ قاجەت بولىپ تۇرعان  مادەنيەت ءۇيى، نەمەسە بالاباقشا اينالدىرۋ جوسپارىندا بار ەكەن.  

«بۇگىنگى كۇندە اۋىلىمىزدا تاپشى مۋزىكالىق مەكتەپتەر، مادەنيەت ءۇي جوق سوعان پايدالانۋعا بولادى. وعان بىزدە، اۋىل تۇرعىندارى دا قۋانىشتى بولار ەدى» - دەيدى قوسشى اۋىلدىق وكرۋگى اكىمىنىڭ مىندەتىن اتقارۋشى سۇلتان وراقباي.

وسى جىلدىڭ ناۋرىز ايىنداعى بۇرىنعى ەكونوميكا ءمينيستىرى سوتتالعان كەزدە وعان ءتيىسىلى مۇلىكتەر جايىندا ايتىلعان ەدى. الايدا ءبىزدىڭ ارنانىڭ تىلشىلەرى زەرتتەۋ جۇرگىزىپ، ەكس-شەندىنىڭ كوتتەدجىن ىزدەپ تاپقان ەدى.
اۋماعى 500 شارشى مەتر بولاتىن الىپ ۇيدە ساۋنا باسسەين مەن ۇلكەن حول جانە ءۇش جاتىن بولمە بار. سوت بولعان كەزدە كۋاگەر رەتىندە ءۇيدى ارلەۋ ىسىنە جالداعان ديزاينەرلەردى شاقىرعان. ولار ءۇيدى بيشىمبايەۆقا تيەسىلى ەكەنىن ايتىپ بەرگەن بولاتىن.


 ەۆگەنيي نوۆيكوۆ، كۋاگەر ديزاينەر:
«كرايني پراۆىي زنايۋ، - كاك ەگو فاميليا؟ - بيشىمبايەۆ». 

بۇعان دەيىن ەكس-مينيستردىڭ ايەلى كوتتەدجگە بيشىمبايەۆ وتباسىلىق بيۋدجەتىنەن 90 مىڭ دوللار جۇمساعانىن ايتقان ەدى. قالعان قارجىنى بەس ادام قوسقان. ال «بايتەرەك ديەۆولوپمەنتتىڭ» بۇرىنعى ءتوراعاسى باقىت جاقسىبايەۆ قوسشىداعى ءزاۋلىم كوتتەدجدى بيشىمبايەۆ پارا رەتىندە العان اقشاعا سالدى دەپ تۇسىنىك بەرگەن بولاتىن. 

تەرگەۋ مالىمەتتەرىنە سۇيەنسەك، جالپى اڭشىلىق ستيلىندە سالىنعان ءۇيدىڭ قۇرىلىسىنا شامامەن 300 مىڭ دوللار جۇمسالعان. ەندى جىلعا جۋىق ۋاقىت قاڭىراپ تۇرعان عيمارات الداعى ەكى ايدىڭ ىشىندە اۋدان اكىمدىگىنە وتپەك.