وبلىستىق اكىمدىكتىڭ وتىرىسىندا قىسقى جىلىتۋ ماۋسىمىنا دايىندىق بارىسى تۋرالى سقو اكىمىنىڭ ورىنباسارى انتون فەديايەۆ باياندادى دەپ حابارلايدى Qamshy.kz اقپارات اگەنتتىگى سقو باسپا ءسوز قىزمەتىنە سىلتەمە جاساي وتىرىپ. «سيەۆكازەنەرگو» اق 2ء-شى جەس بيىل جوندەۋ جۇمىستارىنا 4 ملرد.تگ باعىتتاپتى. وبلىستاعى 446 قازاندىقتىڭ 376-سى كەزەكتى ماۋسىمعا دايىن. 646 ءبىلىم وشاعىنىڭ 461ء-ى، 582 دەنساۋلىق ساقتاۋ مەكەمەسىنىڭ 480ء-ى ساقاداي ساي.

«پەتروپاۆل جىلۋ جەلىلەرى» ج ش س 2018 جىلى 12 شاقىرىمعا سوزىلعان جىلۋ قۇبىرىن قايتا جاڭعىرتىپ، جوندەۋدى  كوزدەگەن. جۇمىس جوسپارعا ساي جۇرگىزىلۋدە. وبلىس اكىمى قۇمار اقساقالوۆ كومپانيانىڭ باسشىسى ۆيكتور رىباسقا بىلتىرعى ولقىلىقتاردى قايتالاماۋدى سۇرادى.   

«بىلتىر جازعى ماۋسىم كەزىندە جوندەۋ جۇمىستارى وتە سىلبىر جۇرگىزىلدى. كەيبىرەۋلەر كۇز ەرتە كەلدى دەيدى. ماسەلە وندا ەمەس. ءبىز جوسپارعا ساي جۇمىس جاساۋىمىز كەرەك. بيىل قىركۇيەك ايىندا اۋا رايى كۇرت سۋىتسا، نە ىستەيسىزدەر؟ سوندىقتان، 1ء-شى قىركۇيەككە دەيىن بارلىق جوسپارلانعان جۇمىستاردى اياقتاۋ قاجەت»،- دەدى قۇمار اقساقالوۆ.

انتون فەديايەۆتىڭ ايتۋىنشا، بيىل بيۋدجەتتىك ۇيىمدارعا قاجەت كومىردىڭ كولەمى 141 مىڭ توننانى قۇرايدى. بارلىق كولەم تەمىر جول ستانسالارىنا جەتكىزىلىپ، ءقازىر ۇيىمدارعا تاراتىلۋ جۇمىستارى جۇرگىزىلۋدە. تۇرعىنداردىڭ كومىرگە دەگەن سۇرانىسى 364 مىڭ توننا. وسى كۇنگە دەيىن جەكە ۇيلەردىڭ يەلەرى  80 مىڭ توننا كومىردى ساتىپ الدى.

ءوڭىر باسشىسى بۇل باعىتتا اۋدان اكىمدەرى كومىردى جەتكىزۋ پروسەسىن كۇن سايىن قاداعالاپ، تۇرعىندارمەن ءتۇسىندىرۋ جۇمىستارىن جۇرگىزۋ كەرەك دەدى.