2018 جىلدىڭ 6 ايىنىڭ قورىتىندىسى بويىنشا قىزىلوردا وبلىسىندا 1198 دەكلاراسيا ەلەكتروندى تۇردە ورىندالعان. بۇل تۋرالى قىزىلوردا وبلىسىنىڭ مەملەكەتتىك كىرىستەر دەپارتامەنتىنىڭ باسشىسى سەرىك مۇستافايەۆ وڭىرلىك كوممۋنيكاسيالار قىزمەتىندە وتكەن باسپا ءسوز كونفەرەنسياسىندا مالىمدەدى.

«كەدەندىك دەكلاراسيالاۋدىڭ «استانا-1» اقپاراتتىق جۇيەسى دە قازىرگى كەزدە تولىقتاي قولدانىستا. 2017 جىلدىڭ قازان ايىنان باستاپ «ترانزيت» ءمودۋلى تاجىريبەگە ەنگىزىلگەن. سودان بەرى 2035 ترانزيتتىك دەكلاراسيا وسى جۇيەدە وڭدەلدى. 2018 جىلدىڭ 6 ايىندا 1198 دەكلاراسيا (100%) ەلەكتروندى تۇردە راسىمدەلدى»، – دەدى س. مۇستافايەۆ.

سونداي-اق، ول كوپتەگەن قىزمەتتەردىڭ ەلەكتروندىق نۇسقاعا كوشكەنىن اتاپ ءوتتى.

«2018 جىلدىڭ 1 قاڭتارىنان ەسكپورت رەجيمى، ال 1 ساۋىردەن باستاپ بارلىق باسقا رەجيمدەر ەلەكتروندى جۇيەگە كوشتى»، - دەدى ول.

وڭىردە «سالىقتىڭ جينالۋىن كوتەرۋ» بويىنشا ءبىرقاتار جۇمىستار اتقارىلىپ جاتىر. وسىعان سايكەس، قىزىلوردا وبلىسى بويىنشا مەملەكەتتىك كىرىستەر دەپارتامەنتى 2018 جىلدىڭ 1 جارتىجىلدىعىندا شوعىرلاندىرىلعان بيۋدجەتكە 151،5 ملرد. تەڭگە ءتۇسىم ءتۇسۋىن قامتاماسىز ەتتى. بۇل بىلتىرعى جىلمەن سالىستىرعاندا 45،8 ملرد. تەڭگەگە ارتىق بولىپ وتىر. سونىمەن قاتار، ايماقتا ەلەكتروندى شوت-فاكتۋرا جۇيەسىن 15570 تۇلعا قولدانعان ەكەن (زاڭدى جانە جەكە كاسىپكەر).

قىزىلوردا وبلىسى بويىنشا مكد باس مامانى ب. وردانوۆانىڭ ايتۋىنشا، ەلەكتروندى دەكلاراسيالاۋ دەرەكتەردى تولىقتاي كودپەن سيفرلاندىرادى جانە دەكلاراسيانى تولىقتاي وڭدەيدى. بۇعان قوسا، دەرەكتەردىڭ وڭدەلۋىن جۇزەگە اسىرادى.

ەلەكتروندى دەكلاراسيالاۋدى ەندىرۋ، ياعني تاۋاردى تازارتۋدىڭ جەدەل جۇيەسى قازاقستاننىڭ ەكسپورتتىق الەۋەتىن نىعايتۋعا جانە ەلىمىزدىڭ ينۆەستيسيالىق تارتىمدىلىعىن كوتەرۋگە مۇمكىندىك بەرەدى دەپ كۇتىلۋدە.

ەسكە سالا كەتسەك، ەلەكتروندى دەكلاراسيالاۋ جۇيەسى 2018 جىلدىڭ 1 قاڭتارىندا ىسكە قوسىلدى. ول قازاقستان رەسپۋبليكاسى قارجى مينيسترلىگى مەملەكەتتىك كىرىستەر كوميتەتى باستاماسىمەن قولعا الىنعان بولاتىن. ەڭ الدىمەن استانا-1 اقپاراتتىق جۇيەسى ەكسپورت رەجيمى بويىنشا ىسكە قوسىلعان ەدى. بۇل جاڭا جۇيە دۇنيەجۇزىلىك ساۋدا ۇيىمىنىڭ تالاپتارى مەن قازاقستان رەسپۋبليكاسى جانە ەۋرازيالىق ەكونوميكالىق وداقتىڭ جاڭا كەدەن زاڭناماسىنا سايكەس ساۋدانى جەڭىلدەتۋ ماقساتىندا جاسالعان. بۇعان دەيىن 2017 جىلدىڭ 1 قازانىنان باستاپ اتالعان جۇيەنىڭ «ترانزيت» ءمودۋلى ەنگىزىلگەن بولاتىن. جۇيەنىڭ كوپ فۋنكسيونالدىلىعى جانە بىرنەشە اقپاراتتىق باعدارلامالاردى ءبىر نەگىزگى پلاتفورماعا بىرىكتىرىلۋى ەسكەرىلە وتىرىپ، استانا-1 جۇيەسى كەزەڭ-كەزەڭمەن ەنگىزىلمەك.