قىتايدىڭ سەنزۋرالىق كوميتەتى ديسنەيدىڭ ايگىلى مۋلتفيلم حيكاياسى «Winnie the Pooh»-تىڭ (ايۋ Winnie) بەيىمدەلگەن «Christopher Robin» فيلمىنە تىيىم سالدى. وپپوزيسيا پرەزيدەنت سي سزينپينگە ۇقساتقان Winnie the Pooh قىتايدا جىلدار بويى شەكتەلگەن.
سي العاش رەت 2013 جىلى سول كەزدەگى اقش پرەزيدەنتى باراك وبامەن كەزدەسكەن اقش ساپارىندا ديسنەي كەيىپكەرىنە ۇقساتىلعان.
A bear، however hard he tries، Falls foul of Chinese censors' eyes https://t.co/ToOCHHZT7I pic.twitter.com/8H9ITqIc1M
— Financial Times (@FT) July 16، 2017
ءىرى دەنەلى تالپاق سي مەن ۇزىن بويلى وبامانىڭ بىرگە تۇسكەن فوتوسىمەن Winnie the Pooh جانە قابىلان Tiggerء-دىڭ 100 گەكتار ورمانىنداعى ءجۇرىسى اراسىندا ۇقساستىق كورىنگەن.
كەيىنىرەك سيعا قارسى كوزقاراستاعىلار ءۇشىن Winnie the Pooh سيعا قارسى قولدانىلعان ءبىر سيمۆولعا اينالدى. بۇلاي ۇقساتۋ الەۋمەتتىك جەلىدە بەلەڭ العان سوڭ سەنزۋرالىق كوميتەتتىڭ شەشىمىمەن تىيىم سالىنىپ، تولىقتاي وشىرىلگەن.
جۇڭگو ءتىپتى وتكەن ايدا پاروديست دجون وليۆەردىڭ سيدىڭ Winnie the Pooh قىرىن تاقىرىپ ەتكەن ءازىل-سىقاعىنان كەيىن باعدارلامانى كورسەتكەن اقش-تىڭ HBO كانالى سايتىنا شەكتەۋ قويعان.
Global Risk Insights دەپ اتالاتىن حالىقارالىق تاۋەكەلدەردى تالداۋدى ۇيىمى ءبىر اسكەري شارادا تاعى ايۋ ۋيننەگە ۇقساتىلعان سي بەينەلەنگەن كوللاج 2015 جىلى مەملەكەتتە ەڭ كوپ سەنزۋراعا تۇسكەن فوتوسۋرەت بولدى دەيدى. اتالعان ۇيىم جۇڭگو پرەزيدەنتىنىڭ مۋلتفيلم كەيىپكەرىنە ۇقساتىلۋىن جۇڭگو پرەزيدەنت اكىمشىلىگى سي ءسزينپيندى بەدەلدەن ايىرۋعا باعىتتالعان ەلەۋلى شابۋىل رەتىندە قارايتىنىن مالىمدەگەن.
جۇڭگو جىل سايىن تەك 34 شەتەلدىك فيلمگە رۇقسات ەتەدى. سوندىقتان اقش جانە باسقا ەلدەردە جاسالعان فيلمدەر جۇڭگو نارىعىنا كىرە المايدى دەپ جازادى BBC. Christopher Robin قىتايدا بيىل سەنزۋراعا تۇسكەن ەكىنشى ديسنەي ءفيلمى بولىپ وتىر. بۇعان دەيىن جۇڭگو Wrinkle in Time اتتى فيلمگە دە تىيىم سالعان.
جۇڭگو الەمدەگى ەڭ قاتاڭ سەنزۋرا قوياتىن ەل بولىپ تابىلادى. 2016 جىلدىڭ قاراشاسىندا جۇڭگو حالىق رەسپۋبليكاسى الەۋمەتتىك جەلىلەردە كورەي حالىق دەموكراتيالىق رەسپۋبليكاسى پرەزيدەنتى كيم چەن ىنمەن فيزيكالىق ەرەكشەلىكتەرىنە، جەكە باسىنا بايلانىستى مازاق پەن ءازىل ايتىلۋىنا تىيىم سالدى. «كيم – ءۇشىنشى سەمىز» سوزىنە رەسمي سەنزۋرالىق شەكتەۋ كەلدى.
