ماسكەۋدە قايتىس بولعان توميريس بايسافانىڭ اناسى جاننا احمەتوۆا ءوزىنىڭ ينستاگرام پاراقشاسىندا تەرگەۋ جۇمىستارى قالاي ءجۇرىپ جاتقانىن جازدى.
«بىردەڭە وزگەرگەندىكتەن ەشتەڭە جازباي جۇرگەن جوقپىن. جاي عانا كۇشىم بولمادى. ءبىر ورىندا قاتىپ قالعاندايمىن. قۋاتتى ۇنەمدەۋ رەجيمى ىسكە قوسۋلى تۇر. ءبىراق بۇل مەن ەشتەڭە ىستەپ جاتقان جوقپىن دەگەن ءسوز ەمەس. ءجيى-جيى استانا-ماسكەۋ-استانا باعىتىمەن جۇرەمىن. ءىس رەسەيدىڭ ماسكەۋدەگى تەرگەۋ باسقارماسىنىڭ تەرگەۋ كوميتەتىنە جىبەرىلدى. پرەزيدەنت اكىمشىلىگىنە، پروكۋراتۋراعا، دەپۋتاتتارعا، بۇۇ، پرەزيدەنتكە، بارلىق تەرگەۋ ورگاندارىنا جىبەردىم. مىنە ءۇشىنشى مارتە تەرگەۋ جۇرگىزىلەتىن جەر اۋىسىپ وتىر. ءقازىر تەرگەۋشىلەرگە قوسىمشا جاڭا ساراپتاما جۇمىستارى جۇمىس تارتىبىنە قويىلدى. باستاپقى كەزدەن-اق ايتىپ كەلە جاتقان ءجايتتار نازارعا الىندى. تەرگەۋ جۇمىستارى قالاي ءجۇرىپ جاتقانىن ازىرشە ايتا المايمىن. جاڭا تەرگەۋشىنىڭ ايتۋىنشا، ۋاقىت زايا كەتكەن. قاجەتتى ماتەريالدار الىنباعانىن جانە كەرەكتى ساراپتاما جۇمىستارى جۇرگىزىلمەگەن. ناقۇرىس-تەرگەۋشىلەر، تەرگەۋشىلەر نەمەسە ادۆوكاتتارعا وسىلاي جۇمىس ىستەۋ قاجەت بولعان...مەننەن ءالى كۇنگە دەيىن جاۋاپ المادى» دەپ جازدى جاننا احمەتوۆا.
ەستەرىڭىزگە سالا كەتەيىك، 2018 جىلدىڭ ءساۋىر ايىندا توميريس بايسافا ماسكەۋ مەملەكەتتىك حالىقارالىق قاتىناستار ينستيتۋتىنىڭ 4ء-شى قاباتىنداعى ءدارىسحانانىڭ تەرەزەسىنەن قۇلاپ كەتكەن.
1997 جىلعى توميريس تاڭعى 4.00-تە قايتىس بولدى. تەرگەۋشىلەر ساۋىردە اتالمىش ىسكە قاتىستى قىلمىستىق ءىس قوزعاعان. تەرگەۋشىلەردىڭ مالىمەتىنشە، قىز بىردەن اۋرۋحاناعا جەتكىزىلگەن. قايعىلى وقيعا 13 ساۋىردە بولدى.
توميريس حالىقارالىق ەكونوميكالىق قاتىناستار كافەدراسىنىڭ 4ء-شى كۋرسىندا وقىعان. ول ءۇزىلىس كەزىندە تەرەزەدەن قۇلاپ كەتكەن. بەيرەسمي اقپاراتقا سايكەس، ونى يتەرىپ جىبەرگەن.
پىكىر قالدىرۋ