ەلىمىزدەگى كومپانيالار ءوز ىستەرىن جەڭىلدەتىپ، قولجەتىمدى ەتۋ ماقساتىندا كوپتەگەن جوبالاردى جۇزەگە اسىرۋدا. سولاردىڭ ءبىرى – «كەرەمەت» كومپانياسىمەن جاسالعان جوبا. ولار مەملەكەتتiك ساتىپ الۋ پروسەسىندەگى تاۋەكەلدەردى باسقارۋ جۇيەسiن جاسادى.
«قازىرگى تاڭدا ەلىمىزدەگى 50 كاسىپورىن جاڭاشىلدىقتارمەن جۇمىس ىستەيدى. وعان مىسال رەتىندە «كەرەمەت» كومپانياسىن ايتۋعا بولادى. ولار ۇسىنعان قىزمەت الدەقايدا جاقسى. اتالعان كومپانيا مەملەكەتتiك ساتىپ الۋ قىزمەتىندەگى تاۋەكەلدەردى باسقارۋ جۇيەسiن جاساعان بولاتىن. بۇعان قوسا، 40 باعدار ازىرلەنىپ، بۇگىندە بۇل باعدارلاردى قۇقىق قورعاۋ ورگاندارى پايدالانادى»، – دەدى ق ر قارجى ۆيسە-مينيسترى رۋسلان ەڭسەبايەۆ Astana hub تەحنوپاركىندە بولعان كەزدەسۋدە.
سونداي-اق، ول ۇلىبريتانياداعى سيفرلاندىرۋ پروسەسىنە توقتالىپ، ونداعى ەرەكشەلىكتەردى اتاپ ءوتتى.
«مەن ۇلىبريتانياداعى جاعدايدى ايتقىم كەلەدى. ءبىز بۇل مەملەكەتپەن كەلىسىم جاساسقانبىز. ونداعى مەملەكەتتىك اقپاراتتىق جۇيە دامىعان. بۇل ەل مەملەكەتتىك ورگاندى دامىتۋ ءۇشىن الدىمەن ترانسفورماسيالىق ستراتەگيا جاسايدى. ارتىنشا جوبالاردى قولعا الادى. ولارداعى سيفرلىق باستامالار اعىمداعى تاپسىرمالاردىڭ توڭىرەگىندە قارجىلاندىرىلادى»، – دەدى ر. ەڭسەبايەۆ.
سونداي-اق، ول مەملەكەتتىك قىزمەتتەردىڭ جۇمىسىن جەڭىلدەتۋ ءۇشىن ءبىرقاتار شارالاردىڭ جاسالىپ جاتقانىن باسا ايتتى.
«ءبىز قازىرگى تاڭدا «ۇلتتىق اقپاراتتىق تەحنولوگيالار» اق جانە مەملەكەتتىك ورگاندارمەن مالىمەتتەردى جەڭىلدەتۋ ءىسى بويىنشا جۇمىستار اتقارۋدامىز. ستراتەگيا جاساۋدا مەملەكەتتىك ورگاندار وزدەرىنىڭ جوبالارى مەن جۇيەلەرىن ەڭ ءبىرىنشى كەزەككە قويادى»، – دەدى ۆيسە-مينيستر.
ونىڭ ايتۋىنشا، قازاقستاندا ەلەكتروندىق جۇيەلەر بەلسەندى جۇزەگە اسىپ جاتىر. وسى رەتتە قارجى مينيسترلىگى ءىس جۇزىندە جاقسى ناتيجەلەرگە قول جەتكىزدى. اتاپ ايتقاندا، ەلەكتروندى مەملەكەتتىك ساتىپ الۋدى ايتساق بولادى.
«قارجى مينيسترلىگىمەن 25 اقپاراتتىق جۇيە جاسالدى. سيفرلاندىرۋ بويىنشا ءبىزدىڭ مينيسترلىك كوشباسشىلاردىڭ ءبىرى. بۇگىندە كوپتەگەن جوبالار جاسالۋدا. 2020 جىلى تۇرعىنداردى جاپپاي دەكلاراسيالاۋ پروسەسى وتەدى»، – دەدى ول.
ۆيسە-مينيستردىڭ سوزىنشە، ەلىمىزدەگى وزەكتى ماسەلەلەردىڭ ءبىرى – جەردى تىركەۋ. وسى رەتتە، جول كارتاسى جاسالعان. ايتا كەتۋ كەرەك، بۇل پروسەستەر كەيىن ءموبيلدى قوسىمشالار ارقىلى جۇزەگە اساتىن بولادى.
