«قازاتومپرومنىڭ» ەكس-باسشىسى مۇحتار جاكىشيەۆتىڭ اۋرۋى اسقىنىپ، ادامداردىڭ كومەگىنسىز ءجۇرىپ-تۇرا المايتىن كۇيگە جەتتى دەپ حابارلايدى Qamshy.kz اقپارات اگەنتتىگى forbes.kz سايتىنىڭ دەرەگىن نەگىزگە الىپ. بۇل تۋرالى مۇحتار جاكىشيەۆتىڭ ادۆوكاتى نۇرلان بەيسەكەيەۆ مالىمدەپتى. ەسكە سالا كەتەيىك، تانىمال قازاقستاندىق بيزنەسمەن مۇحتار جاكىشيەۆ جەمقورلىققا قاتىسى بار دەگەن ايىپپەن 2010 جىلى 14 جىلعا باس بوستاندىعىنان ايىرىلعان.  ءقازىر ول 9 جىل جازاسىن وتەدى.رەسمي تىلدە جۇرگىزىلگەن سۇحباتتىڭ نەگىزگى تۇستارىن مەملەكەتتىك تىلگە اۋدارا وتىرىپ، وقىرمان قاۋىمعا ۇسىنامىز. 

«قازاتومپروم» ەكس-باسشىسىنىڭ ادۆوكاتى نۇرلان بەيسەكەيەۆ مۇحتار جاكىشيەۆتىڭ دەنساۋلىعىنا الاڭداۋلى. سوڭعى مەديسينالىق تەكسەرىلۋدەن سوڭ ونىڭ باس مي جۇيەسىندە اقاۋ بار ەكەنى انىقتالدى.

17 شىلدەدە قاراعاندى وبلىسىنداعى كولونيادان شقو-وبلىسى سەمەي قالاسىنداعى قاتاڭ رەجيمدى كولونياعا اۋىستىرىلعان بولاتىن. وسىنىڭ سەبەبىنەن مۇحتار جاكىشيەۆتىڭ دەنساۋلىعى تاعى دا ناشارلادى.

مۇحتار جاكىشيەۆتىڭ قورعاۋشىسى جەكەمەنشىك كلينيكادا مەديسينالىق تەكسەرۋدەن ءوتۋىن تالاپ ەتىپ وتىر. ال قىلمىستىق اتقارۋشى جۇيەنىڭ كوميتەتى (قاجك) جاكىشيەۆتى مەملەكەتتىك مەديسينالىق مەكەمەدە تەكسەرىستەن ءوتۋىن تالاپ ەتۋدە.  ازىرگە قوس تاراپتىڭ كەلىسىمگە كەلۋى مۇمكىن بولماي تۇر.

جاز ايىندا جاكىشيەۆ ءۇشىنشى توپتاعى مۇگەدەك قاتارىنا قوسىلىپ، جۇمىس جاساۋ قابىلەتىنىڭ 50 پايىزىنان ايىرىلدى. سونىمەن بىرگە مۇحتار جاكىشيەۆتىڭ جوعارى قان قىسىمنىڭ كەسىرىنەن كوزدىڭ ىشكى تور قابىعى جارىلىپ كەتكەن. كۇز  مەزگىلىندە قاراعاندى قالاسىندا جاكىشيەۆتىڭ كوزىنە وپەراسيا جاسالدى.

— ول بىرنەشە جىل بۇرىن سوتقا دەيىن، سوتتان كەيىن جانە تەرگەۋ كەزىندە دە مەديسينالىق تەكسەرۋدەن وتكەن بولاتىن. الايدا اۋرۋدىڭ سەبەپتەرى ناقتى انىقتالمادى. ونىڭ ۇنەمى قان قىسىمىنىڭ جوعارىلاۋىنىڭ سەبەبى نەدە؟ تولىق ەمدەلمەگەننىڭ ناتيجەسى. وعان تەك بىرنەشە دارىلەردى بەرىپ قوياتىن، مۇحتار سول دارىلەردىڭ كۇشىمەن عانا ءجۇرىپ-تۇراتىن ەدى. كوپتەگەن ماماندارمەن ونىڭ دەنساۋلىعىنىڭ ناشارلاۋىنا بايلانىستى بىرنەشە ماماندارمەن كەڭەستىم. ولاردىڭ ويىنشا، بۇل اۋرۋلاردىڭ نەگىزگى سەبەبى بۇيرەكتە بولۋى مۇمكىن.   مۇحتاردىڭ اۋرۋدان ايىعۋىنا تاجىريبەلى، مەديسينالىق ماماندار قاجەت. ال مۇنداي ماماندار بىردە-بىر كولونيادا جوق" دەپ مالىمدەدى بەيسەكەيەۆ.

مۇحتار جاكىشيەۆتىڭ مەرزىمىنەن بۇرىن بوستاندىققا شىعۋىنا مۇمكىندىك بار. بۇل قىركۇيەك ايىندا بەلگىلى بولادى.

— ازىرگە بۇل تۋرالى ەشتەڭە ايتا المايمىن، قاجك باسشىلىعىنان ءوتىنىش جازاتىن بىرەۋ-مىرەۋ تابىلاتىن، تابىلمايتىندىعى ازىرگە بەلگىسىز بولىپ تۇر، دەيدى ادۆوكات.

ءۇشىنشى توپتاعى مۇگەدەكتەردى تەك قانا فيزيكالىق جۇمىستان عانا بوساتادى، ال بۇل مەرزىمىنەن بۇرىن بوساتىلۋىنا نەگىزگى سەبەپ بولا المايدى.