ەلباسى پارلامەنت سەناتىنىڭ ءتوراعاسى قاسىم-جومارت توقايەۆتى قابىلدادى

/uploads/thumbnail/20180815171049489_small.jpg

كەزدەسۋ بارىسىندا مەملەكەت باسشىسىنا پارلامەنتتىڭ جوعارى پالاتاسىنىڭ VI شاقىرىلىمى ءۇشىنشى سەسسياسىنىڭ نەگىزگى قورىتىندىلارى مەن الداعى سەسسيادا قاراستىراتىن زاڭ جوبالارى جۇمىستارىنىڭ جوسپارى باياندالدى، دەپ حابارلايدى Qamshy.kz اقپارات اگەنتتىگى اقورداعا سىلتەمە جاساپ.

– الداعى سەسسيادا ەكونوميكا سالاسىنا قاتىستى اۋقىمدى زاڭ جوبالارىن جانە ءبىرقاتار حالىقارالىق قۇجاتتاردى قاراستىرۋ جوسپارلانعان. ۇكىمەت كوپتەگەن زاڭنامالىق باستامالار ازىرلەپ جاتىر. بىزگە سولارمەن جۇمىس جاساۋ قاجەت. سونىمەن قاتار، بۇعان دەيىن قابىلدانعان ينفراقۇرىلىمدىق جانە يندۋستريالىق دامۋ باعدارلامالارىن، پرەزيدەنتتىڭ بەس الەۋمەتتىك باستاماسىن جۇزەگە اسىرۋ جونىندەگى جۇمىستاردى جالعاستىرا بەرەمىز، – دەدى نۇرسۇلتان نازاربايەۆ.

قاسىم-جومارت توقايەۆ وتكەن سەسسياسىنىڭ قورىتىندىسى بويىنشا سەنات دەپۋتاتتارى سالىق، كەدەندىك رەتتەۋ، بيۋدجەتتىك باسقارۋ جانە باسقا دا سالالارعا قاتىستى 84 زاڭ قابىلداعانىن مالىمدەدى.

قازاقستان پرەزيدەنتى كاسپيي تەڭىزىنىڭ قۇقىقتىق مارتەبەسىن انىقتاۋ جونىندەگى كونۆەنسيانى راتيفيكاسيالاۋعا بايلانىستى وتكەن كاسپيي ماڭى مەملەكەتتەرىنىڭ بەسىنشى ءسامميتىنىڭ ناتيجەلەرىنە ارنايى توقتالدى.

– بەس مەملەكەتتىڭ باسشىلارى 20 جىل بويى تالقىلاعان كاسپيي تەڭىزىنىڭ كونۆەنسياسىنا قول قويدى. اقتاۋ قالاسى مەن ماڭعىستاۋ وبلىسىن ودان ءارى دامىتۋعا، وڭىردە جاڭا جۇمىس ورىندارىن اشىپ، قىزمەت كورسەتۋ جانە تۋريزم سالالارىن ىلگەرىلەتۋگە سەپتىگىن تيگىزەتىن بۇل شەشىمنىڭ زور ماڭىزىن بۇكىل حالىقارالىق ساراپشىلار اتاپ كورسەتۋدە، – دەدى مەملەكەت باسشىسى.

قاتىستى ماقالالار