اپات ايتىپ كەلمەيدى. كەيدە كىشىگىرىم نارسەلەرگە سالعىرت قاراپ، ارتىنان وپىق جەپ جاتامىز، تيتتەي نارسەدەن ءبىز كۇتپەگەن ۇلكەن ماسەلەلەر تۋىنداپ كەتەدى. ال، كەيدە، ءتىپتى، وزگەنىڭ قاتەلىگىنەن وڭباي تاياق جەيمىز. ومىرىندە سونداي وقيعالاردىڭ بىرىنە تاپ بولعان گۇلبانۋ ەسىمدى ايەلدىڭ وقيعاسىن Qamshy.kz اقپارات اگەنتتىگى نازارلارىڭىزعا ۇسىنادى.
كورشىسىنىڭ دارەتحانا قاعازىن ورتەيمىن دەگەن ىس-ارەكەتىنەن ۇيىنەن ايىرىلىپ قالعان بەس بالانىڭ اناسى «بالا-شاعامنىڭ ءبىر كيىمىن دە الىپ شىعىپ ۇلگەرمەدىك، ءۇي تۇگەلىمەن ك ۇلى كوككە ۇشتى» دەيدى.
بەس بالالى انانىڭ ايتۋىنشا، ءورت ءبىر كۇن بۇرىن بولعاندا بۇدان دا ۇلكەن قايعىلى جاعدايدا تاپ بولۋى مۇمكىن ەكەن. ءقازىر كوپبالالى وتباسى ءبىر اۋىلدا تۇراتىن گۇلبانۋدىڭ ءسىڭلىسىنىڭ ءۇيىن پانالاپ ءجۇر.
«بىزدەن ەكى كوشە ارى تۇراتىن ءسىڭلىم بار، بىردەن سونىڭ ۇيىنە باردىق. دەگەنمەن ەكى وتباسى ءبىر ۇيدە تۇرۋ دەگەن قيىن، سوندا دا بىر-ەكى شىداپ، ءۇيىمىزدى كىشكەنە قالىپقا كەلتىرگەنشە سول ءۇيدى پانالاي تۇرامىز. وعان دا شۇكىر، دالادا جاتقان جوقپىز»، - دەيدى زارداپ شەگۋشى.
كۇلگە اينالعان ءۇيدىڭ ىشىنەن تەك وزدەرى عانا شىعىپ ۇلگەرگەن، بالالاردىڭ ءبىر دە ءبىر كيىمىن الىپ شىعا الماعان وتباسىدا مەكتەپ وقيتىن ءۇش بالا بار. جاڭا وقۋ جىلىنا دايىندىق ناۋقانىندا مۇنداي قايعىعا دۋشار بولىپ وتىرعان اتا-انا بالالارىنىڭ كيىم-كەشەگىن، مەكتەپكە قاجەتتى زاتتارىن ءبارىن ساتىپ الۋعا ءماجبۇر. حالىقتان قول جايىپ، اناۋ بەرىڭىز، مىناۋ بەرىڭىز دەپ كومەك سۇرامايمىن، ءبىراق كومەك قولىن سوزام دەۋشىلەردىڭ قولىن قايتارمايمىن دەپ وتىرعان بەس بالانىڭ اناسىنا جالپاق جۇرتتىڭ قولداۋى قاجەت.
«ءورت ءبىر كۇن بۇرىن بولسا قانداي جاعدايعا تاپ بولار ەدىك دەگەن ويدان ارىلا المادىم. سەنبى كۇنى ءورت بولعان كەزدە مەن دە، كۇيەۋىم دە ۇيدە بولدىق، ال ءبىر كۇن بۇرىن ەكەۋىمىز دە جۇمىستا بولدىق، ەكى قىزىم ۇيدە قالعان، ۇنەمى «ەسىكتى ءىلىپ الىپ، ۇيىقتاي بەرىڭدەر» دەپ كەتەتىنمىن. ءبىر كۇن بۇرىن بولعاندا ەكى قىزىم ۇيدە ەسىكتى ءىلىپ الىپ جاتقان بولسا، مۇلدەم ايتۋعا اۋىزىم بارمايتىن قايعىعا دۋشار بولار ەدىك. اللاعا شۇكىر، بالا-شاعام امان، قالعانى اقىرىنداپ بولا جاتار»، - دەيدى گۇلبانۋ.
جوعارىدا اتاپ وتكەندەي، ءورت كورشى ايەلدىڭ دارەتحانا قاعازىن سىرتقا شىعارىپ ورتەيمىن دەگەن ىس-ارەكەتىنىڭ سالدارىنان تۋىنداعان. زارداپ شەگۋشى انانىڭ ايتۋىنشا، كورشى جاس كەلىنشەك، ەمىزۋلى بالاسى بار، دارەتحانا قاعازىن ورتەپ، بالاسىن ەمىزۋگە كىرىپ كەتكەن، سول كۇنى جەل سوعىپ كەيىننەن ءورتتىڭ ۇشقىنى سول جەلدىڭ سالدارىنان شوپكە ءتۇسىپ، اقىرىنداپ سول ۇيگە دە جەتكەن ەكەن. بۇل وقيعاعا تىكەلەي قاتىسى بار كورشىلەرىنىڭ ىس-ارەكەتى قالاي بولدى؟ دەگەن سۇراققا كوپبالالى انا بىلاي دەيدى:
«بالاسىن ەمىزىپ جاتىپ ءورتتىڭ كۇش الىپ كەتكەنىن بايقاماي، كەيىننەن ونى سوندىرە الماي قالعان. ولار وزدەرى جۋىردا عانا كوشىپ كەلگەن جاس وتباسى، ءبىر بالالارى عانا بار. قىزدىڭ اتا-اناسى كەلىپ كەشىرىم سۇراپ «كۇيەۋ بالام جەتىم ەدى، اكە-شەشەسى جوق بار قولىمىزدان كەلەتىنى وسى» دەپ ءبىر ميلليون تەڭگەنى ۇستاتتى. اسىپ-تاسىپ جاتقان وتباسى ەمەس، ولاردان ەندى نە سۇراي الامىز. تەك بار ايتقانىم ءۇيدىڭ قابىرعاسىن تۇرعىزىپ، شاتىرىن جاۋىپ بەرسىن دەدىم، ءۇيدىڭ ىشىندەگى دۇنيەلەرىمدى دە سۇرامايمىن. بەرگەندەرىنە قاناعات دەدىم».
ايتا كەتەيىك، وتكەن اپتادا الماتى وبلىسى تالعار اۋدانىنا قاراستى جالعامىس اۋىلىندا بۇتىندەي ءبىر وتباسى ءبىر تۇندە ۇيىنەن جانە بار دۇنيەسىنەن ايىرىپ قالدى. ءبىر بالاسى سىرتتاي وقۋ ورنىندا، ءبىر بالاسى اسكەردە، قالعان ۇشەۋى مەكتەپ جاسىنداعى بالالاردىڭ اناسى گۇلبانۋ حانىم مەن جۇبايى بار كۇش-جىگەرىن جيناپ، قايتادان ءبارىن باسىنان باستاۋعا بەكىنىپ وتىرسا دا، كوپشىلىكتىڭ قولداۋىنا مۇقتاج.
ۇلكەن ۇلىنىڭ بانك كارتوچكاسى
