قاراعاندىدا 16 جاستاعى كوندۋكتور 28 جاستاعى جولاۋشىنى سوققىعا جىقتى. بۇل جايىندا وبلىستىق ىشكى ىستەر دەپارتامەنتىنىڭ باسپاسوز-قىزمەتى مالىمدەدى.
بەلگىلى بولعانداي، زارداپ شەككەن جولاۋشى استانا قالاسىنىڭ تۇرعىنى بولىپ شىقتى.
«16 تامىزدا قاراعاندى قالاسىنداعى ايالدامالاردىڭ بىرىندە كوندۋكتور بولىپ جۇمىس ىستەيتىن 16 جاستاعى ءجاسوسپىرىم قوعامدىق كولىكتە 28 جاستاعى جولاۋشىنىڭ دەنەسىن جاراقاتتاعان. پوليسيا قىزمەتكەرلەرى كۇدىكتىنى وقيعا ورنىندا دەرەۋ قولعا ءتۇسىردى. اتالمىش جايتتىڭ ءمان-جايى ءالى انىقتالۋدا. زارداپ شەگۋشى ءتۇرلى دەنە جاراقاتتارىمەن جەرگىلىكتى اۋرۋحاناعا بارعان»، - دەيدى باسپاسوز-قىزمەتىندەگىلەر.
اتالمىش وقيعاعا بايلانىستى ق ر قك 293 بابى 1 ءبولىمى بويىنشا «بۇزاقىلىق» ايىبىمەن سوتقا دەيىنگى تەرگەۋ جۇمىستارى باستالدى.
